◾https://dailynewslive.in/ നാളെ മുതല്‍ ഡൊണാള്‍ഡ് ട്രംപ് 2.0. അമേരിക്കയുടെ 47-ാമത് പ്രസിഡന്റായി ഡൊണാള്‍ഡ് ട്രംപ് നാളെ ചുമതലയേല്‍ക്കും. ഇന്ത്യന്‍ സമയം നാളെ രാത്രി 10.30നാണ് സ്ഥാനാരോഹണം തെരഞ്ഞെടുപ്പില്‍ ഡെമോക്രാറ്റിക് സ്ഥാനാര്‍ഥി കമലാ ഹാരിസിനെ തോല്‍പ്പിച്ചാണ് ട്രംപ് രണ്ടാം തവണയും പ്രസിഡന്റായത്. കാലാവസ്ഥ കണക്കിലെടുത്ത് ഡൊണാള്‍ഡ് ട്രംപിന്റെ സ്ഥാനാരോഹണ ചടങ്ങുകള്‍ ക്യാപിറ്റോള്‍ മന്ദിരത്തിനകത്തേക്ക് മാറ്റി. വാഷിംഗ്ടണില്‍ മൈനസ് 6 സെല്‍ഷ്യസിലേക്ക് താപനില താഴ്ന്നതിനാലും നാളെ വാഷിംഗ്ടണില്‍ മൈനസ് 12 ഡിഗ്രി സെല്‍ഷ്യസ് തണുപ്പ് പ്രവചിക്കുന്ന സാഹചര്യത്തിലുമാണ് ഈ അസാധരണ നടപടിയെന്ന് അധികൃതര്‍ അറിയിച്ചു.
◾https://dailynewslive.in/ ഗാസ വെടിനിര്‍ത്തല്‍ കരാറിന്റെ ഭാഗമായി ആദ്യ ബന്ദിമോചനത്തിന് മണിക്കൂറുകള്‍ മാത്രം ശേഷിക്കേ വീണ്ടും അനിശ്ചിതത്വം. ആദ്യദിനം മോചിപ്പിക്കുന്ന 3 ബന്ദികള്‍ ആരൊക്കെയെന്ന് ഹമാസ് വെളിപ്പെടുത്താതെ കരാറുമായി മുന്നോട്ടുപോകില്ലെന്ന് ഇസ്രയേല്‍ പ്രധാനമന്ത്രി ബെന്യാമിന്‍ നെതന്യാഹു പ്രഖ്യാപിച്ചു. ഇത് കരാര്‍ ലംഘനമാണെന്നാണ് ഇസ്രയേല്‍ വ്യക്തമാക്കുന്നത്. വേണ്ടിവന്നാല്‍ അമേരിക്കയുടെ സഹായത്തോടെ യുദ്ധം പുനഃരാരംഭിക്കുമെന്നും ഹമാസ് ബന്ദികളാക്കിയിരിക്കുന്ന എല്ലാവരേയും തിരികെ രാജ്യത്തെത്തിക്കുമെന്നും നെതന്യാഹു പറഞ്ഞു. ഞായറാഴ്ച ഇന്ത്യന്‍ സമയം ഉച്ചയ്ക്ക് 12നാണ് ബന്ദികളെ കൈമാറാന്‍ ധാരണയായിട്ടുള്ളത്.
*കെ.എസ്.എഫ്.ഇ*
*സ്‌ക്രീന്‍ ഷോട്ട് മത്സരം*
സ്‌ക്രീന്‍ ഷോട്ടെടുത്തയക്കൂ; ദിവസേന സമ്മാനം നേടൂ.
ഡെയ്‌ലി ന്യൂസിന്റെ ടെക്സ്റ്റ് /വീഡിയോ വാര്‍ത്തകളില്‍ വരുന്ന കെ.എസ്.എഫ്.ഇ യുടെ പരസ്യത്തിന്റെ സ്‌ക്രീന്‍ ഷോട്ടെടുത്ത് നിങ്ങളുടെ പിന്‍ കോഡടക്കമുള്ള അഡ്രസും ഫോണ്‍ നമ്പറും സഹിതം 9526 133 833 എന്ന നമ്പറിലേക്ക് അയക്കുക. തിരഞ്ഞെടുക്കപ്പെടുന്ന ഒരാള്‍ക്ക് അമൃത് വേണി ഹെയര്‍ എലിക്‌സിറിന്റെ 460 രൂപ വിലയുള്ള 50ml ന്റെ ബോട്ടില്‍ ദിവസേന സമ്മാനമായി ലഭിക്കുന്നതാണ്.
*ജനുവരി 18 ലെ വിജയി : അനസ്, അത്തിക്കുനി, പുല്‍പ്പള്ളി.പി.ഒ, വയനാട്‌*
◾https://dailynewslive.in/ കൂത്താട്ടുകുളം നഗരസഭയില്‍ അവിശ്വാസ പ്രമേയം ഇന്നലെ ചര്‍ച്ചയ്ക്ക് എടുക്കാനിരിക്കെ കൗണ്‍സിലര്‍ കലാ രാജുവിനെ തട്ടിക്കൊണ്ടുപോയെന്ന കേസില്‍ പൊലീസ് കേസെടുത്തു. സിപിഎം കൂത്താട്ടുകുളം ഏരിയാ സെക്രട്ടറി, നഗരസഭാ ചെയര്‍പേഴ്‌സണ്‍, വൈസ് ചെയര്‍മാന്‍, പാര്‍ട്ടി ലോക്കല്‍ സെക്രട്ടറി എന്നിവരടക്കം 45 പേരാണ് പ്രതികള്‍. നഗരസഭയിലെ സിപിഎം കൗണ്‍സിലര്‍ കലാ രാജുവിന്റെ കുടുംബം നല്‍കിയ പരാതിയിലാണ് പൊലീസ് കേസെടുത്തത്.
◾https://dailynewslive.in/ കൂത്താട്ടുകുളം നഗരസഭയിലെ അവിശ്വാസ പ്രമേയത്തിനിടെ തന്നെ സിപിഎം തട്ടിക്കൊണ്ടുപോവുകയായിരുന്നെന്ന് കല രാജു. തന്റെ കാല് കാറില്‍ കുടുങ്ങിയപ്പോള്‍ വെട്ടിമാറ്റി തരാമെന്ന് മകനേക്കാള്‍ പ്രായം കുറവുള്ള സിപിഎം പ്രവര്‍ത്തകന്‍ ഭീഷണിപ്പെടുത്തിയെന്ന് അവര്‍ പറഞ്ഞു. തട്ടിക്കൊണ്ടുപോയെന്ന പരാതിയില്‍ പൊലീസ് കേസെടുത്തതിന് പിന്നാലെയാണ് കല രാജുവിന്റെ പ്രതികരണം.
◾https://dailynewslive.in/ കൂത്താട്ടുകുളം നഗരസഭയിലെ സിപിഎം കൗണ്‍സിലര്‍ കലാ രാജുവിനെ തട്ടികൊണ്ടുപോകാന്‍ വഴിയൊരുക്കിയത് പൊലീസാണെന്നും പ്രതികളായ ആളുകള്‍ക്ക് പൊലീസ് സുരക്ഷയൊരുക്കിയെന്നും മാത്യു കുഴല്‍നാടന്‍ എംഎല്‍എ. കലാ രാജുവിനെ തട്ടിക്കൊണ്ടുപോകാന്‍ ഡിവൈഎസ്പി അടക്കം സഹായിച്ചുവെന്നും അദ്ദേഹം ആരോപിച്ചു. അതേസമയം തട്ടിക്കൊണ്ടുപോയെന്ന പരാതിയില്‍ കേസുമായി തന്നെ മുന്നോട്ട് പോകുമെന്ന് കലാ രാജുവിന്റെ മകളും നിലപാടെടുത്തു.
*
പുളിമൂട്ടില്‍ സില്‍ക്‌സിന്റെ നൂറാം ക്രിസ്തുമസ്, പുതുവത്സര ആഘോഷങ്ങള്‍ നിങ്ങള്‍ക്കൊരിക്കലും സ്‌കിപ്പ് ചെയ്യാനാകില്ല. കാരണം ഏറ്റവും വലിയ ക്രിസ്തുമസ് കളക്ഷനുകളും കിടിലന്‍ പുതുവത്സര കളക്ഷനുകളും ട്രെന്‍ഡിംഗ്‌ വെഡ്ഡിംഗ് കളക്ഷനുകളും പുളിമൂട്ടിൽ സിൽക്‌സിൽ മാത്രം. നിങ്ങള്‍ ആഗ്രഹിച്ചത് എന്തും ഇവിടെ ഉണ്ട്. വരൂ, നമുക്ക് ആഘോഷങ്ങള്‍ കളറാക്കാം.
*പുളിമൂട്ടില്‍ സില്‍ക്‌സ്*
*നൂറിന്റെ നിറവിന്റെ വിശ്വാസ്യത*
◾https://dailynewslive.in/ വാഴ്ത്തുപാട്ട് വിവാദത്തില്‍ മുഖ്യമന്ത്രിക്കെതിരെ രൂക്ഷ വിമര്‍ശനവുമായി കെ.സുധാകരന്‍ രംഗത്ത്.’ പുകഴ്ത്തു പാട്ടും കേട്ട് കയ്യും വീശി ആ വഷളന്‍ നടന്നില്ലേയെന്നും കേരളത്തില്‍ ഏതെങ്കിലും ഒരു രാഷ്ട്രീയ നേതാവ് ഇത്തരത്തില്‍ ചെയ്തിട്ടുണ്ടോയെന്നും നാണവും മാനവും ഉളുപ്പുമില്ലാത്ത മുഖ്യമന്ത്രിയാണ് കേരളം ഭരിക്കുന്നതെന്നും സുധാകരന്‍ വിമര്‍ശിച്ചു. മക്കള്‍ക്ക് വേണ്ടി കോടാനുകോടി കട്ട് ഉണ്ടാക്കുക എന്നതാണ് ലക്ഷ്യമെന്നും നാടിനും നാട്ടാര്‍ക്കും പാര്‍ട്ടിക്കാര്‍ക്കും വേണ്ടാത്ത മുഖ്യമന്ത്രിയാണ് പിണറായി വിജയനെന്നും അദ്ദേഹം ആരോപിച്ചു.
◾https://dailynewslive.in/ മുഖ്യമന്ത്രി പിണറായി വിജയന്‍ പകരംവെക്കാനില്ലാത്ത ചരിത്രപുരുഷനാണെന്നും എല്ലാ വേട്ടയാടലുകള്‍ക്കും കുരിശിലേറ്റലുകള്‍ക്കും ശേഷവും ഉയിര്‍ത്തെഴുന്നേറ്റ് വന്ന ഒരു മനുഷ്യനെ അദ്ദേഹത്തിന്റെ കഴിവുകള്‍വെച്ച് പ്രശംസിക്കുമ്പോള്‍ അതില്‍ അസഹിഷ്ണുക്കളാവേണ്ട കാര്യമില്ലെന്നും മുതിര്‍ന്ന സി.പി.എം നേതാവും കേന്ദ്രകമ്മിറ്റിയംഗവുമായ ഇ.പി ജയരാജന്‍. പല പ്രതിസന്ധിഘട്ടത്തിലും കേരളത്തിലെ ജനങ്ങളെ കൈവിടാതെ നടപ്പിലാക്കിയ വികസന പ്രവര്‍ത്തനങ്ങളെ ആര്‍ക്കും തള്ളിപ്പറയാനാവില്ലെന്നും മുഖ്യമന്ത്രിയെ പ്രശംസിക്കുന്നതോ അദ്ദേഹം ചെയ്ത കാര്യങ്ങളെ പാട്ടിന്റെ രൂപത്തില്‍ അവതരിപ്പിക്കുന്നതോ തെറ്റാണെന്ന് കരുതാനാകില്ലെന്നും ഇ.പി പറഞ്ഞു.
◾https://dailynewslive.in/ വയനാട്ടിലെ ഡിസിസി ട്രഷററായിരുന്ന എന്‍എം വിജയന്റെ ആത്മഹത്യയുമായി ബന്ധപ്പെട്ട കേസില്‍ എംഎല്‍എ ഐസി ബാലകൃഷ്ണന്‍ അടക്കം മൂന്ന് കോണ്‍ഗ്രസ് നേതാക്കള്‍ക്ക് മുന്‍കൂര്‍ ജാമ്യം. ഡിസിസി പ്രസിഡന്റ് എന്‍ഡി അപ്പച്ചന്‍, മറ്റൊരു കോണ്‍ഗ്രസ് നേതാവ് കെകെ ഗോപിനാഥ് എന്നിവര്‍ക്കാണ് മുന്‍കൂര്‍ ജാമ്യം ലഭിച്ചത്.
*കെ.എസ്.എഫ്.ഇ ഗാലക്‌സി ചിട്ടികളില്‍ ചേരൂ, ജീവിതം അടിപൊളിയാക്കൂ..*
2024 ഏപ്രില്‍ 1 മുതല്‍ 2025 ഫെബ്രുവരി 28 വരെ ◼️മെഗാ ബമ്പര്‍ സമ്മാനം ഒരു മെഴ്‌സിഡസ് ബെന്‍സ് കാര്‍ ◼️ബമ്പര്‍ സമ്മാനം: 17 ഇന്നോവ കാറുകള്‍
*കെ.എസ്.എഫ്.ഇ ഗാലക്‌സി ചിട്ടികള്‍ (സീരീസ് 3):*
2024 നവംബര്‍ 1 മുതല്‍ 2025 ഫെബ്രുവരി 28 വരെ ◼️ശാഖാതല സമ്മാനങ്ങള്‍ : 5,000 ഗിഫ്റ്റ് കാര്‍ഡുകള്‍ ◼️ ഓരോ ചിട്ടിയിലും ഒരാള്‍ക്ക് വീതം.
*ടോള്‍ ഫ്രീ ഹെല്‍പ്പ് ലൈന്‍ നമ്പര്‍ : 1800-425-3455*
◾https://dailynewslive.in/ ബോബി ചെമ്മണ്ണൂര്‍ വിഷയത്തില്‍ അഭിപ്രായം പറഞ്ഞതിന് വനിതാ കമ്മിഷനും യുവജന കമ്മിഷനും തന്നെ വേട്ടയാടുന്നുവെന്ന് രാഹുല്‍ ഈശ്വര്‍. ഹണി റോസിനോട് പെറ്റമ്മനയവും രാഹുല്‍ ഈശ്വറിനോട് ചിറ്റമ്മനയവുമാണെന്നും തനിക്കെതിരെ കേസെടുത്ത യുവജന കമ്മിഷന് തന്റെ ഭാഗം കേള്‍ക്കാന്‍ തയ്യാറായില്ലെന്നും പറഞ്ഞ രാഹുല്‍ ഈശ്വര്‍ ഇവിടെ പുരുഷ കമ്മിഷന് വേണമെന്നും ജനുവരി 30 മുതല്‍ പുരുഷ കമ്മിഷന് വേണ്ടിയുള്ള കാമ്പയിന്‍ ആരംഭിക്കുമെന്നും പറഞ്ഞു.
◾https://dailynewslive.in/ ഡ്രൈവര്‍മാര്‍ നന്നാവുകയും മനസ് വെക്കുകയും ചെയ്താല്‍ ഡീസല്‍ ചെലവില്‍ പ്രതിവര്‍ഷം 77 കോടി രൂപ ലാഭിക്കാനാകുമെന്ന് കെ.എസ്.ആര്‍.ടി.സി. കഴിഞ്ഞ ദിവസം വിവിധ യൂണിറ്റിലേക്ക് അയച്ച സര്‍ക്കുലറിലാണ് ഈ പുതിയ നിര്‍ദേശം നല്‍കിയിരിക്കുന്നത്.
◾https://dailynewslive.in/ എറണാകുളത്തെ കെഎസ്ആര്‍ടിസിയുടെ പുതിയ ബസ് സ്റ്റാന്‍ഡ് സ്ഥിരം വെള്ളക്കെട്ടുണ്ടാകുന്ന സ്ഥലത്ത് തന്നെ നിര്‍മിക്കുന്നതില്‍ വിമര്‍ശനവുമായി ദുരന്ത നിവാരണ വിദഗ്ധന്‍ മുരളി തുമ്മാരുകുടി. ബസ് സ്റ്റാന്‍ഡ് അവിടെ നിന്നും മാറ്റി കെട്ടിടം നില്‍ക്കുന്നിടം പൊളിച്ച് ആ പ്രദേശം ഒരു തടാകമാക്കി എറണാകുളത്തെ വെള്ളക്കെട്ട് കുറയ്ക്കാനുള്ള സ്പോഞ്ച് ആക്കണം എന്നാണ് തന്റെ അഭിപ്രായമെന്നും താന്‍ ഈ പറയുന്നത് നടക്കും എന്നുകരുതി പറയുന്നതല്ലെന്നും പറയേണ്ട സമയത്ത് പറഞ്ഞില്ല എന്ന കുറ്റബോധം ഒഴിവാക്കാന്‍ വേണ്ടി പറയുന്നതാണെന്നും അദ്ദേഹം കുറിച്ചു. കൊച്ചിയുള്‍പ്പെടെ കേരളത്തില്‍ എവിടെയും ഇനി നടത്തുന്ന പദ്ധതികള്‍ കാലാവസ്ഥ വ്യതിയാനത്തിന്റെ ലെന്‍സിലൂടെയും കൂടി പഠിക്കേണ്ടതുണ്ടെന്നും അദ്ദേഹം അഭിപ്രായപ്പെട്ടു.
◾https://dailynewslive.in/ റഷ്യയില്‍ കൂലിപ്പട്ടാളത്തില്‍ ചേര്‍ന്ന മലയാളികള്‍ കൊല്ലപ്പെട്ട സംഭവത്തില്‍ മൂന്ന് ഏജന്റുമാര്‍ അറസ്റ്റില്‍. വടക്കാഞ്ചേരി പൊലീസ് ആണ് മൂന്ന് ഏജന്മാരെ അറസ്റ്റ് ചെയ്തത്. റഷ്യന്‍ പൗരത്വമുള്ള സന്ദീപ് തോമസ്, ചാലക്കുടി സ്വദേശി സുമേഷ് ആന്റണി, തൃശൂര്‍ തയ്യൂര്‍ സ്വദേശി സിബി എന്നിവരെയാണ് അറസ്റ്റ് ചെയ്തത്. എമിഗ്രേഷന്‍ ആക്ട്, മനുഷ്യക്കടത്ത്, വഞ്ചന കുറ്റങ്ങള്‍ ചുമത്തിയാണ് അറസ്റ്റ്. കൊല്ലപ്പെട്ട ബിനിലിന്റെ ഭാര്യ ജോയ്സിയുടെയും പരിക്കേറ്റ ജെയിന്റെ പിതാവ് കുര്യന്റെയും പരാതിയുടെ അടിസ്ഥാനത്തിലാണ് മൂന്നു പേരെയും വിളിച്ചുവരുത്തി ചോദ്യംചെയ്തതും തുടര്‍ന്ന് അറസ്റ്റ് രേഖപ്പെടുത്തിയതും. ചുരുങ്ങിയത് 10 വര്‍ഷം വരെ തടവ് ലഭിക്കാവുന്ന കുറ്റങ്ങളാണ് മൂന്നു പേര്‍ക്കെതിരെയും ചുമത്തിയിരിക്കുന്നത്.
◾https://dailynewslive.in/ സാങ്കേതിക സര്‍വ്വകലാശാലയുടെ പരീക്ഷ നടത്തിപ്പുമായി ബന്ധപ്പെട്ട സോഫ്റ്റ്വെയര്‍ പരിപാലനത്തിന് പ്രൈവറ്റ് ഏജന്‍സിക്ക് പ്രതിവര്‍ഷം ഏഴ് കോടി രൂപ നല്‍കിവരുന്നത് സര്‍ക്കാര്‍ ഉത്തരവുകളുടെ ലംഘനമാണെന്ന് 2024-ലെ അക്കൗണ്ടന്റ് ജനറലിന്റെ ഓഡിറ്റിങ്ങ് റിപ്പോര്‍ട്ട്. സിന്‍ഡിക്കേറ്റ് മെമ്പറായ പി.കെ. ബിജു എ.കെ.ജി. സെന്ററിലേക്കും സി.ഐ.ടി.യു. ഓഫീസിലേക്കും പോകുന്നതിനായി സാങ്കേതിക സര്‍വ്വകലാശാലയുടെ വാഹനങ്ങള്‍ സ്ഥിരമായി ദുരുപയോഗം ചെയ്യുന്നതായി തുടങ്ങി നിരവധി ആരോപണങ്ങളാണ് ഓഡിറ്റിംഗ് റിപ്പോര്‍ട്ടിലുള്ളത്.
◾https://dailynewslive.in/ നെടുമങ്ങാട് അപകടത്തില്‍പെട്ട ടൂറിസ്റ്റ് ബസിന്റെ ഫിറ്റ്നസും ആര്‍സിയും റദ്ദാക്കി. വെള്ളിയാഴ്ച രാത്രിയാണ് വിനോദയാത്ര സംഘം സഞ്ചരിച്ച ടൂറിസ്റ്റ് ബസ് ഇരിഞ്ചയത്ത് വെച്ച് അപകടത്തില്‍പെട്ടത്. അപകടത്തില്‍ 60 വയസുള്ള ദാസിനി എന്ന സ്ത്രീ മരിച്ചിരുന്നു. സംഭവത്തില്‍ ബസ് ഡ്രൈവറെ പൊലീസ് അറസ്റ്റ് ചെയ്തു.
◾https://dailynewslive.in/ വന്ദേ ഭാരതില്‍ ദമ്പതികളോട് മതസ്പര്‍ധയോടെ സംസാരിച്ച സംഭവത്തില്‍ യുകെ പൗരനായ മലയാളി അറസ്റ്റില്‍. കോട്ടയം സ്വദേശി ആനന്ദ് മാത്യു(54)വാണ് അറസ്റ്റിലായത്. വിഴിഞ്ഞം സ്വദേശികളായ ദമ്പതികളോടാണ് ഇയാള്‍ മതസ്പര്‍ധയോടെ സംസാരിച്ചത്. വന്ദേഭാരതിനെ എതിര്‍ത്തവര്‍ ഇപ്പോള്‍ ഇതില്‍ കയറി തുടങ്ങിയോ എന്ന് ചോദിച്ചായിരുന്നു തര്‍ക്കം. സംഭവത്തില്‍ ആനന്ദ് മാത്യുവിനെതിരെ ജാമ്യമില്ലാ കുറ്റം ചുമത്തിയെന്ന് റെയില്‍വെ പൊലീസ് അറിയിച്ചു.
◾https://dailynewslive.in/ കോഴിക്കോട് മെഡിക്കല്‍ കോളേജിലെ മരുന്ന് പ്രതിസന്ധി പത്താം ദിവസം പിന്നിട്ട പശ്ചാത്തലത്തില്‍ ഇന്ന് രാവിലെ എട്ട് മുതല്‍ 24 മണിക്കൂര്‍ കോഴിക്കോട് എം.പി എം.കെ രാഘവന്‍ കോഴിക്കോട് മെഡിക്കല്‍ കോളേജ് ആശുപത്രിക്ക് മുമ്പില്‍ ഉപവാസ സമരം നടത്തും. സര്‍ക്കാരിന്റെ കണ്ണ് തുറപ്പിക്കാനുള്ള പ്രതിഷേധമാണ് നടത്തുന്നതെന്ന് അദ്ദേഹം പറഞ്ഞു.
◾https://dailynewslive.in/ താമരശ്ശേരി കൈതപ്പൊയിലില്‍ മകന്‍ അമ്മയെ വെട്ടിക്കൊന്നു. അടിവാരം 30 ഏക്കര്‍ കായിക്കല്‍ സുബൈദയാണ് കൊല്ലപ്പെട്ടത്. കൊലയാളിയായ ഏകമകന്‍ 25 വയസുള്ള ആഷിഖിനെ തെരച്ചിലിനൊടുവില്‍ വീട്ടിനകത്ത് നിന്ന് പിടികൂടി. ഇന്നലെ ഉച്ചകഴിഞ്ഞ് സുബൈദയുടെ സഹോദരിയുടെ പുതുപ്പാടി ചോയിയോടുള്ള വീട്ടില്‍ വെച്ചാണ് സംഭവം. അയല്‍പക്കത്ത് നിന്ന് തേങ്ങപൊളിക്കാനെന്ന് പറഞ്ഞ് വാങ്ങിയ കൊടുവാളുകൊണ്ടാണ് മകന്‍ അമ്മയെ വെട്ടിക്കൊന്നത്. കോളേജില്‍ ചേര്‍ന്ന ശേഷം ആഷിഖ് മയക്കുമരുന്നിന് അടിമയായെന്നാണ് സുബൈദയുടെ സഹോദരി പറയുന്നത്.
◾https://dailynewslive.in/ പാലക്കാട് മണ്ണാര്‍ക്കാട് നോമ്പുകഞ്ഞിയില്‍ വിഷം കലര്‍ത്തി ഭര്‍ത്താവിന്റെ മുത്തശ്ശിയെ കൊലപ്പെടുത്തിയ കേസില്‍ പ്രതികള്‍ക്ക് ജീവപര്യന്തം തടവും രണ്ട് ലക്ഷം വീതം പിഴയും. തോട്ടര സ്വദേശി നബീസ കൊല്ലപ്പെട്ട കേസില്‍ കൊച്ചുമകന്‍ ബഷീറിനും ഭാര്യ ഫസീലയ്ക്കുമാണ് മണ്ണാര്‍ക്കാട് പട്ടികജാതി പട്ടിക വകുപ്പ് പ്രത്യേക കോടതി ജഡ്ജി ജോമോന്‍ ജോണ്‍ ശിക്ഷ വിധിച്ചത്.
◾https://dailynewslive.in/ മലപ്പുറം പുത്തൂര്‍ ചിനക്കല്‍ ബൈപ്പാസ് പാതയില്‍ ബൈക്കുകള്‍ കൂട്ടിയിടിച്ച് രണ്ടു യുവാക്കള്‍ക്ക് ദാരുണാന്ത്യം. കാവതിക്കുളം ആലംവീട്ടില്‍ ഹൗസിലെ മുഹമ്മദ് റിഷാദ്, മരവട്ടം പട്ടതെടി ഹൗസിലെ ഹംസ എന്നിവരാണ് മരിച്ചത്.
◾https://dailynewslive.in/ സംസ്ഥാനത്ത് ഇന്ന് എല്ലാ ജില്ലകളിലും മഴക്ക് സാധ്യതയെന്ന് കാലാവസ്ഥാ റിപ്പോര്‍ട്ട്. തിരുവനന്തപുരം, കൊല്ലം ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. തെക്ക് പടിഞ്ഞാറന്‍ ബംഗാള്‍ ഉള്‍കടലില്‍ ചക്രവാതചുഴി കാരണമാണ് മഴക്ക് സാധ്യത.
◾https://dailynewslive.in/ എയ്റോ ഇന്ത്യ ഷോ നടക്കുന്നതിനാല്‍ യെലഹങ്ക എയര്‍ഫോഴ്‌സ് സ്റ്റേഷന്റെ 13 കിലോമീറ്റര്‍ പരിധിയില്‍ സസ്യേതര വിഭവങ്ങള്‍ വിളമ്പുന്നതും വില്‍ക്കുന്നതും നിരോധിച്ചതായി ബൃഹത് ബെംഗളൂരു മഹാനഗര പാലികേ . ജനുവരി 23 മുതല്‍ ഫെബ്രുവരി 17 വരെ ഇറച്ചി സ്റ്റാളുകള്‍, നോണ്‍ വെജിറ്റേറിയന്‍ ഹോട്ടലുകള്‍, റെസ്റ്റോറന്റുകള്‍ എന്നിവയ്ക്കാണ് നിയന്ത്രണം. തീരുമാനം പക്ഷികളെ തടയാനെന്നും പൊതുസ്ഥലങ്ങളില്‍ ചിതറിക്കിടക്കുന്ന നോണ്‍ വെജ് ഭക്ഷണാവശിഷ്ടങ്ങള്‍ കഴുകനെ പോലുള്ള പക്ഷികളെ ആകര്‍ഷിക്കുമെന്നും ഇത് എയ്റോ ഷോയില്‍ അപകടങ്ങള്‍ക്ക് ഇടയാക്കിയേക്കാമെന്നും ബിബിഎംപി അധികൃതര്‍ അറിയിച്ചു.
◾https://dailynewslive.in/ ആര്‍ജികര്‍ മെഡിക്കല്‍ കോളേജില്‍ ട്രെയിനീ ഡോക്ടറെ ക്രൂരമായി ബലാത്സംഗം ചെയ്ത് കൊലപ്പെടുത്തിയ കേസിലെ പ്രതി സഞ്ജയ് റോയ് കുറ്റക്കാരനെന്ന് കോടതി. നാളെ ശിക്ഷ വിധിക്കും. പ്രതി ഡോക്ടറെ ആക്രമിച്ചതും ലൈംഗികമായി പീഡിപ്പിച്ചതും തെളിഞ്ഞതായി കോടതി വ്യക്തമാക്കി. 25 വര്‍ഷത്തില്‍ കുറയാത്ത തടവോ ജീവപര്യന്തം തടവോ അല്ലെങ്കില്‍ വധശിക്ഷയോ ലഭിക്കാവുന്ന കുറ്റങ്ങളാണ് പ്രതി ചെയ്തിരിക്കുന്നതെന്നും കോടതി പറഞ്ഞു.
◾https://dailynewslive.in/ ബോളിവുഡ് താരം സെയ്ഫ് അലിഖാനെ വീട്ടിനുള്ളില്‍ കടന്നുകയറി കുത്തിപ്പരിക്കേല്‍പ്പിച്ച കേസില്‍ പ്രതിയെന്ന് സംശയിക്കുന്നയാളെ ഛത്തീസ്ഗഢില്‍ നിന്ന് പിടികൂടി. 31 കാരനായ ആകാഷ് കൈലാഷ് കന്നോജിയയാണ് പിടിയിലായത്. മുംബൈ-ഹൗറ ജ്ഞാനേശ്വരി എക്‌സ്പ്രസില്‍ യാത്ര ചെയ്യുന്നതിനിടെയാണ് ഇയാളെ റെയില്‍വേ പ്രൊട്ടക്ഷന്‍ ഫോഴ്‌സ് പിടികൂടിയത്.
◾https://dailynewslive.in/ സ്പേസ് എക്സ് സ്റ്റാര്‍ഷിപ്പിന്റെ ഏഴാം പരീക്ഷണത്തിലുണ്ടായ പൊട്ടിത്തെറിയില്‍ റോക്കറ്റ് അവശിഷ്ടങ്ങള്‍ കരീബിയന്‍ ദ്വീപസമൂഹമായ ടര്‍ക്സ്-കൈകോസില്‍ പതിച്ച് നാശനഷ്ടങ്ങളുണ്ടായതായി പരാതികള്‍. അമേരിക്കന്‍ ഫെഡറല്‍ ഏവിയേഷന്‍ അഡ്മിനിസ്ട്രേഷനും ടര്‍ക്സ്-കൈകോസ് സര്‍ക്കാരിന്റെ ഉദ്യോഗസ്ഥരും ഇതിന്‍മേല്‍ അന്വേഷണം ആരംഭിച്ചതായി സിഎന്‍എന്‍ റിപ്പോര്‍ട്ട് ചെയ്തു.
◾https://dailynewslive.in/ ഐഎസ്എല്ലില്‍ നോര്‍ത്ത് ഈസ്റ്റ് യുണൈറ്റഡിനെ ഗോള്‍രഹിത സമനിലയില്‍ തളച്ച് കേരള ബ്ലാസ്റ്റേഴ്സ്. 30- മിനുട്ടില്‍ ബ്ലാസ്റ്റേഴ്സ് താരം ഐബാന്‍ ചുവപ്പ് കാര്‍ഡ് കണ്ട് പുറത്തായെങ്കിലും ഗോളി സച്ചിന്‍ സുരേഷിന്റെ സേവുകള്‍ ബ്ലാസ്റ്റേഴ്സിനെ തോല്‍വിയില്‍ നിന്ന് രക്ഷിച്ചു. ഗോളെന്നുറച്ച നിരവധി ഷോട്ടുകളാണ് സച്ചിന്‍ സുരേഷ് രക്ഷപ്പെടുത്തിയത്.
◾https://dailynewslive.in/ ഐസിസി ചാംപ്യന്‍സ് ട്രോഫിക്കുള്ള ഇന്ത്യന്‍ ടീമിനെ പ്രഖ്യാപിച്ചു. ടീമിനെ രോഹിത് ശര്‍മ നയിക്കും. ശുഭ്മാന്‍ ഗില്ലാണ് വൈസ് ക്യാപ്റ്റന്‍. മലയാളി താരം സഞ്ജു സാംസണ് ടീമിലിടം നേടാനായില്ല. വിരാട് കോലി സ്ഥാനം നിലനിര്‍ത്തിയപ്പോള്‍, യശസ്വി ജയ്‌സ്വാള്‍ ടീമില്‍ ഇടം കണ്ടെത്തി. വിക്കറ്റ് കീപ്പര്‍ ബാറ്റര്‍മാരായി റിഷഭ് പന്ത്, കെ എല്‍ രാഹുല്‍ എന്നിവരുണ്ടാവും. മുഹമ്മദ് സിറാജിനെ ടീമില്‍ നിന്നൊഴിവാക്കി. അര്‍ഷ്ദീപ് സിംഗ് പകരം ടീമിലെത്തി.
◾https://dailynewslive.in/ ഐസിസി ചാമ്പ്യന്‍സ് ട്രോഫിക്കായുള്ള ഇന്ത്യന്‍ ക്രിക്കറ്റ് ടീമില്‍നിന്ന് മലയാളി താരം സഞ്ജു സാംസണെ തഴഞ്ഞതില്‍ കേരള ക്രിക്കറ്റ് അസോസിയേഷനെ വിമര്‍ശിച്ച് ശശി തരൂര്‍ എംപി. ക്രിക്കറ്റ് അധികാരികളുടെ ഈഗോ സഞ്ജുവിന്റെ കരിയര്‍ തകര്‍ക്കുകയാണെന്ന് തരൂര്‍ പറഞ്ഞു. ചാമ്പ്യന്‍സ് ട്രോഫിക്കായുള്ള ഇന്ത്യന്‍ ടീമിനെ ഇന്നലെ പ്രഖ്യാപിച്ചതിന് പിന്നാലെ എക്‌സിലൂടെയാണ് തരൂരിന്റെ പ്രതികരണം.
◾https://dailynewslive.in/ വിജയ് ഹസാരെ ട്രോഫിക്കായുള്ള പരിശീലന ക്യാമ്പില്‍നിന്ന് പ്രത്യേക കാരണങ്ങളൊന്നും പറയാതെയാണ് സഞ്ജു സാംസണ് വിട്ടുനിന്നതെന്നും അതുകൊണ്ട് അദ്ദേഹത്തെ വിജയ് ഹസാരെ ട്രോഫിക്കായുള്ള കേരള ടീമിലും എടുത്തില്ലെന്നും കെ.സി.എ. പ്രസിഡന്റ് ജയേഷ് ജോര്‍ജ്. പരിശീലന ക്യാമ്പില്‍ താനുണ്ടാകില്ലെന്നുള്ള ഒരു വരി മെയില്‍ മാത്രമാണ് സഞ്ജു കെസിഎ സെക്രട്ടറിക്ക് അയച്ചതെന്ന് ജയേഷ് ജോര്‍ജ് പറഞ്ഞു. വിജയ് ഹസാരെ ട്രോഫിക്കായുള്ള ടീമില്‍ എടുക്കാതിരുന്ന കെ.സി.എ നടപടി മൂലമാണ് സഞ്ജുവിന് ഇന്ത്യന്‍ ടീമിലും ഇടംലഭിക്കാതിരുന്നതെന്ന് റിപ്പോര്‍ട്ടുകളുണ്ടായിരുന്നു. അതേസമയം കൃത്യമായ കാരണം കാണിക്കാതെ സഞ്ജു വിജയ് ഹസാരെ പരിശീലന ക്യാമ്പില്‍നിന്ന് വിട്ടുനിന്നതില്‍ ബിസിസിഐ സെലക്ടര്‍മാര്‍ക്കും അതൃപ്തിയുള്ളതായാണ് വിവരം.
◾https://dailynewslive.in/ സംസ്ഥാനത്തിനകത്ത് 10 ലക്ഷം രൂപയ്ക്ക് മുകളിലുള്ള സ്വര്‍ണം കൊണ്ടുപോകുന്നതിന് ജനുവരി 20 മുതല്‍ ഇ-വേ ബില്‍ നിര്‍ബന്ധമാക്കി സംസ്ഥാന ജി.എസ്.ടി വകുപ്പ്. ജനുവരി ഒന്നു മുതല്‍ ഇത് നടപ്പാക്കിയിരുന്നെങ്കിലും സംസ്ഥാന ജി.എസ്.ടി പോര്‍ട്ടലിലെ സാങ്കേതിക തകരാര്‍ മൂലം താത്കാലികമായി മരവിപ്പിച്ചിരുന്നു. പോര്‍ട്ടലിലെ പ്രശ്‌നങ്ങള്‍ പരിഹരിച്ചതോടെയാണ് 20 മുതല്‍ പ്രാബല്യത്തിലാക്കുന്നത്. കഴിഞ്ഞ ഡിസംബര്‍ 27നാണ് ഇ-വേ ബില്‍ നിര്‍ബന്ധമാക്കുന്ന ഉത്തരവ് ജി.എസ്.ടി വകുപ്പ് പുറത്തിറക്കിയത്. വില്‍പ്പനയുമായി ബന്ധപ്പെട്ടും വില്‍പ്പനയ്ക്കല്ലാതെയും അണ്‍രജിസ്റ്റേഡ് വ്യക്തികളില്‍ നിന്ന് വാങ്ങുന്ന സ്വര്‍ണത്തിന് 10 ലക്ഷം രൂപയില്‍ കൂടുതല്‍ മൂല്യമുണ്ടെങ്കില്‍ ഇ-വേ ബില്‍ വേണമെന്നാണ് നിയമം. സ്വര്‍ണ്ണം, വെള്ളി, പ്ലാറ്റിനം പോലെ വിലപിടിപ്പുള്ള ലോഹ നിര്‍മിത ആഭരണങ്ങള്‍ (പത്തു ലക്ഷമോ അതിലധികമോ തുകയ്ക്കുള്ളത്), വില്‍പ്പന, ജോബ് വര്‍ക്ക്, സ്റ്റോക്ക് ട്രാന്‍സ്ഫര്‍, പ്രദര്‍ശനം തുടങ്ങിയവയുടെ ഭാഗമായി വാഹനത്തില്‍ കൊണ്ടുപോകുമ്പോള്‍ ഇവേ ബില്‍ എടുക്കണം. ഇത്തരത്തില്‍ കൊണ്ടു പോകുന്ന സ്വര്‍ണത്തിന്റെ പൂര്‍ണ വിവരങ്ങള്‍ കാണിച്ചാണ് ഇ-വേ ബില്‍ എടുക്കേണ്ടത്.
◾https://dailynewslive.in/ ‘ഹരി ഹര വീരമല്ലു’ എന്ന ഇതിഹാസ ചിത്രത്തിലെ ‘കേള്‍ക്കണം ഗുരുവേ’ എന്ന ഗാനം ലോകമെമ്പാടുമുള്ള പ്രേക്ഷകരെ ആകര്‍ഷിക്കുകയാണ്. എഐ സാങ്കേതികവിദ്യ ഉപയോഗിച്ച് മലയാളത്തിലെ ഗാനവും പവന്‍ കല്യാണിന്റെ സ്വരത്തില്‍ പ്രേക്ഷകരിലേക്കെത്തുന്നു. മങ്കൊമ്പ് ഗോപാലകൃഷ്ണന്‍ ഈ ഗാനത്തിന്റെ രചനയും മരഗദമണി സംഗീത സംവിധാനവും നിര്‍വഹിക്കുന്നു. നൂറ്റാണ്ടിലെ മുഗള്‍ കാലഘട്ടത്തിന്റെ പശ്ചാത്തലത്തില്‍ ഒരുക്കിയിരിക്കുന്ന ഗാനമാണ് ഇത്. ഡച്ചുകാരും പോര്‍ച്ചുഗീസുകാരും പോലുള്ള വിദേശ ശക്തികള്‍ രാജ്യത്തിന്റെ സമ്പത്ത് ചൂഷണം ചെയ്ത കാലഘട്ടത്തിലെ ഇന്ത്യയുടെ സങ്കീര്‍ണ്ണമായ സാമൂഹിക-സാമ്പത്തിക സാഹചര്യമാണ് ചിത്രം ചിത്രീകരിക്കുന്നത്. നിധി അഗര്‍വാള്‍, ബോബി ഡിയോള്‍, നാസര്‍ എന്നിവരുള്‍പ്പെടെയുള്ള ഒരു മികച്ച അഭിനേതാക്കളുടെ സാന്നിധ്യം ഈ ചിത്രത്തിനുണ്ട്, രഘു ബാബു, സുബ്ബരാജു, സുനില്‍, തുടങ്ങി നിരവധി താരങ്ങള്‍ ചിത്രത്തിലെ മറ്റു പ്രധാന റോളുകളിലെത്തുന്നു.
◾https://dailynewslive.in/ സജിന്‍ ഗോപു നായകനാകുന്ന ‘പൈങ്കിളി’യുടെ സെക്കന്‍ഡ് ലുക്ക് പോസ്റ്റര്‍ പുറത്തുവിട്ട് അണിയറപ്രവര്‍ത്തകര്‍. ശ്രീജിത്ത് ബാബു സംവിധാനം ചെയ്യുന്ന ചിത്രത്തില്‍ അനശ്വര രാജനാണ് നായികയായി എത്തുന്നത്. സജിന്‍ ഗോപുവിന്റെ വിവിധ ഭാവങ്ങളാണ് പോസ്റ്ററില്‍. ഫഹദ് ഫാസില്‍ ആന്റ് ഫ്രണ്ട്സിന്റെയും അര്‍ബന്‍ ആനിമലിന്റേയും ബാനറില്‍ ഫഹദ് ഫാസില്‍, ജിത്തു മാധവന്‍ എന്നിവര്‍ ചേര്‍ന്നാണ് പൈങ്കിളിയുടെ നിര്‍മാണം. ജിത്തു മാധവന്‍ തന്നെയാണ് ചിത്രത്തിന്റെ രചന നിര്‍വഹിക്കുന്നതും. നിന്റെ ചെവിയിലെ കടി മാറ്റിയ തൂവല്‍ ഒരിക്കല്‍ ഒരു പൈങ്കിളിയുടെ ഹൃദയത്തിനോരത്ത് വളര്‍ന്നതാണെന്ന് മറക്കരുതേ മനുഷ്യാ- എന്ന അടിക്കുറിപ്പോടെയാണ് ചിത്രത്തിന്റെ സെക്കന്‍ഡ് ലുക്ക് പോസ്റ്റര്‍ പുറത്തു വിട്ടിരിക്കുന്നത്. ‘ആവേശം’ സിനിമയില്‍ അമ്പാന്‍ എന്ന കഥാപാത്രമായി മികച്ച പ്രകടനം കാഴ്ചവെച്ച സജിന്‍ ആദ്യമായി നായകനാകുന്ന ചിത്രം കൂടിയാണ് പൈങ്കിളി. ചന്തു സലിംകുമാര്‍, അബു സലിം, ജിസ്മ വിമല്‍, ലിജോ ജോസ് പെല്ലിശ്ശേരി, റിയാസ് ഖാന്‍, അശ്വതി ബി, അമ്പിളി അയ്യപ്പന്‍, പ്രമോദ് ഉപ്പു, അല്ലുപ്പന്‍, ശാരദാമ്മ, വിജയ് ജേക്കബ്, തുടങ്ങി നിരവധി താരങ്ങള്‍ ചിത്രത്തില്‍ വേഷമിടുന്നുണ്ട്. ഫെബ്രുവരി 14ന് ചിത്രം തിയറ്ററുകളിലെത്തും.
◾https://dailynewslive.in/ പ്രമുഖ വാഹന നിര്‍മ്മാതാക്കളായ ഹീറോ മോട്ടോകോര്‍പ്പ് അഡ്വഞ്ചര്‍ വിഭാഗത്തില്‍ വരുന്ന എക്‌സ്പള്‍സ് ബൈക്കിന്റെ പുതിയ പതിപ്പ് പുറത്തിറക്കി. കൂടുതല്‍ കരുത്തുറ്റ എന്‍ജിനോടെ ഇറങ്ങുന്ന എക്‌സ്പള്‍സ് 210ന് 1.76 ലക്ഷം രൂപയാണ് എക്സ് ഷോറൂംവില. എക്‌സ്പള്‍സ് 200നേക്കാള്‍ 24,000 രൂപ കൂടുതലാണ് എക്‌സ്പള്‍സ് 210ന്. സാധാരണ എക്‌സ്പള്‍സ് ഡിസൈന്‍ തന്നെയാണ് എക്‌സ്പള്‍സ് 210നും. സുതാര്യമായ വൈസര്‍ കൊണ്ട് അലങ്കരിച്ച ഒരു വൃത്താകൃതിയിലുള്ള എല്‍ഇഡി ഹെഡ്ലൈറ്റും എല്‍ഇഡി ടേണ്‍ ഇന്‍ഡിക്കേറ്ററുകള്‍, ട്യൂബുലാര്‍ ഹാന്‍ഡില്‍ബാര്‍, സിംഗിള്‍-പീസ് സീറ്റ് എന്നിവ ഇതിന്റെ സവിശേഷതകളാണ്. 210 സിസി, സിംഗിള്‍-സിലിണ്ടര്‍, ലിക്വിഡ്-കൂള്‍ഡ്, 4-വാല്‍വ് എന്‍ജിന്‍ ആണ് എക്‌സ്പള്‍സ് 210 ന് കരുത്ത് പകരുന്നത്. ഇത് 24.6 ബിഎച്ച്പിയും 20.7 എന്‍എം ടോര്‍ക്കും പുറപ്പെടുവിക്കുന്നു. എന്‍ജിനെ സിക്‌സ് സ്പീഡ് ഗിയര്‍ബോക്‌സുമായി കൂട്ടിയോജിപ്പിച്ചാണ് മോട്ടോര്‍സൈക്കിളില്‍ വിപണിയില്‍ എത്തുന്നത്. ആറാമത്തെ ഗിയര്‍ മികച്ച ഹൈവേ റൈഡിംഗ് നല്‍കുമെന്നാണ് കമ്പനിയുടെ അവകാശവാദം. ബുക്കിങ് ഉടന്‍ ആരംഭിക്കും.
◾https://dailynewslive.in/ സ്‌കൂള്‍ കാലഘട്ടത്തില്‍ ഞാന്‍ പഠിപ്പിച്ച ഒരു പയ്യന്‍ ജീവിതത്തിലെ പല വഴികളിലൂടെയും സഞ്ചരിച്ച് പ്രതിസന്ധികളെ മറികടന്ന് ജീവിതവിജയം നേടുകയും തന്റെ ഓര്‍മ്മക്കുറിപ്പുകള്‍ കോര്‍ത്തിണക്കി മധുരപ്രതികാരങ്ങള്‍ എന്ന പുസ്തകം എഴുതുകയും അതിനുവേണ്ടി അവതാരിക എഴുതാന്‍ മലയാളം പഠിപ്പിച്ച എന്നെ ഏല്‍പ്പിക്കുകയും ചെയ്ത നിമിഷം മുതല്‍ ഞാന്‍ സന്തോഷിക്കുകയും വളരെയധികം അഭിമാനിക്കുകയും ചെയ്യുന്നു. വ്യക്തിബന്ധങ്ങള്‍, സൗഹൃദം, മുതിര്‍ന്നവരോടുള്ള ബഹുമാനം, പ്രതിബന്ധങ്ങളെ തരണം ചെയ്യാനുള്ള മനക്കരുത്ത്, വൈരാഗ്യബുദ്ധി ഒട്ടും ഇല്ലാതെയുള്ള തീവ്രപ്രയത്നം എന്നിവ മുറുകെപ്പിടിച്ചുകൊണ്ട് സ്‌കൂളില്‍നിന്നും കോളേജ് വഴി മിലിറ്ററി ബാരക്കിലൂടെ കോടതിയിലേക്ക് നടന്നു കയറിയ എന്റെ പ്രിയ ശിഷ്യന്റെ നര്‍മ്മത്തില്‍ ചാലിച്ച ഹൃദയസ്പര്‍ശിയായ പുസ്തകം. ‘മധുരപ്രതികാരങ്ങള്‍’. അഡ്വ. സണ്ണി കെ തോമസ്. ഗ്രീന്‍ ബുക്സ്. വില 110 രൂപ.
◾https://dailynewslive.in/ പോഷകസമൃദ്ധമായ ഭക്ഷണക്രമം പാലിക്കുന്നത് നമ്മുടെ മുടിയിലും ചര്‍മത്തിലും പ്രതിഫലിക്കുമെന്നതില്‍ സംശയം വേണ്ട. ചര്‍മം പോലെ തന്നെ നമ്മള്‍ എന്ത് കഴിക്കുന്നു എന്നതാണ് മുടിയുടെയും ആരോഗ്യം നിര്‍ണയിക്കുന്ന പ്രധാന ഘടകം. മുടിക്ക് കരുത്തും തിളക്കവും നിലനിര്‍ത്താന്‍ ആവശ്യമായതെല്ലാം നല്‍കുന്നുണ്ടെന്ന് ഉറപ്പാക്കാന്‍ ശരിയായ അളവില്‍ പ്രോട്ടീനുകളും വിറ്റാമിനുകളും ധാതുക്കളും ഭക്ഷണത്തില്‍ അടങ്ങിയിട്ടുണ്ടെന്ന് ഉറപ്പാക്കണം. മുടിയെ ആരോഗ്യത്തോടെ സംരക്ഷിക്കാന്‍ സഹായിക്കുന്ന ചില ഡയറ്റ് ടിപ്‌സ് ഇതാ. മുടിയുടെ ആരോഗ്യത്തിന് കാല്‍സ്യം, ആന്റിഓക്‌സിഡന്റുകള്‍ എന്നിവ അടങ്ങിയ ജ്യൂസുകള്‍ ഏറെ നല്ലതാണ്. ഇവ അടങ്ങിയിട്ടുള്ള ഗോതമ്പിന്റെ പുല്ല് കൊണ്ടുള്ള ജ്യൂസ്, തക്കാളിയും ചീരയും ചേര്‍ന്ന ജ്യൂസ് എന്നിവ പതിവാക്കുന്നത് മുടിയെ കരുത്തുറ്റതാക്കും. റാഗി, മണിച്ചോളം, ഗോതമ്പ് എന്നിവയും മുടിയുടെ ആരോഗ്യത്തിന് നല്ലതാണ്. നല്ല മുടിയിഴകള്‍ വേണമെങ്കില്‍ ചില ഇഷ്ടങ്ങളെയും മാറ്റിനിര്‍ത്തേണ്ടിവരും. അതില്‍ ഒന്നാണ് പഞ്ചസാര. റിഫൈന്‍ഡ് ഭക്ഷണപദാര്‍ത്ഥങ്ങളും പഞ്ചസാരയുമൊക്കെ ഒഴിവാക്കണമെന്നാണ് വിദഗ്ധര്‍ പറയുന്നത്. അതേസമയം ബ്രഹ്‌മി, ബ്രംഗരാജ് തുടങ്ങിയ ഔഷധങ്ങള്‍ മുടിയുടെ കരുത്തിനും മുടികൊഴിച്ചില്‍ കുറയ്ക്കാനും സഹായിക്കും. പ്രോട്ടീനും ഇരുമ്പും അടങ്ങിയ ഭക്ഷണം മുടിക്ക് നല്ലതാണ്. മുട്ട, പച്ചിലകറികള്‍, മീന്‍ എന്നിവ മുടിയെ കരുത്തോടെ കാക്കാന്‍ സഹായിക്കും.
*ശുഭദിനം*
*കവിത കണ്ണന്‍*
കൊട്ടാരവളപ്പിലൂടെ ഒരു അരുവി ഒഴുകിയിരുന്നു. നല്ല തെളിഞ്ഞ വെള്ളമായതിനാല്‍ തന്നെ ധാരാളം കിളികളും പൂമ്പാറ്റകളും അവിടെയുണ്ടായിരുന്നു. കുറച്ച് നാള്‍ കഴിഞ്ഞപ്പോള്‍ ഇവയെല്ലാം അപ്രത്യക്ഷമായി. കാരണം അന്വേഷിച്ചുവരാന്‍ രാജാവ് മന്ത്രിയെ അയച്ചു. അവിടെയത്തി എല്ലാം വിശദമായി നിരീക്ഷിച്ചശേഷം മന്ത്രി പറഞ്ഞു: രാജന്‍, ഞാന്‍ എല്ലായിടവും നിരീക്ഷിച്ചു. വലിയ പാറകളും മണ്ണും നിറഞ്ഞ് നീര്‍ചാല്‍ അടഞ്ഞുപോയിരിക്കുന്നു. അവിടെയുളള ജലമെല്ലാം കെട്ടിക്കിടന്ന് അശുദ്ധമായി. ഞാന്‍ കല്ലും മണ്ണും നീക്കിയിട്ടുണ്ട്. താമസിയാതെ കിളികളും പൂമ്പാറ്റകളും തിരിച്ചെത്തും.. മന്ത്രി പറഞ്ഞതുപോലെ കിളികളും പൂമ്പാറ്റകളുമെല്ലാം അവിടേക്ക് തിരിച്ചെത്തി… ഒഴുകേണ്ടവയെ ഒന്നും തടഞ്ഞു നിര്‍ത്തരുത്. എന്നാല്‍ സ്ഥായിയായി നില്‍ക്കേണ്ടവയെ ഒഴുക്കികളയുകയുമരുത്. എന്തിനും അതിന്റേതായ സ്വാഭാവികതയുണ്ട്. അത്തരം സവിശേഷതകളിലൂടെ സഞ്ചരിക്കുമ്പോള്‍ മാത്രമേ അതിന്റേതായ സൗന്ദര്യവും സമ്പൂര്‍ണ്ണതയും ഉണ്ടാകുകയുള്ളൂ. ഓരോന്നിനെയും അതിന്റേതായ വഴികളിലൂടെ വളരാന്‍ അനുവദിക്കാം.. എല്ലാം അതാതിന്റെ തനിമയില്‍ തന്നെ തുടരട്ടെ – ശുഭദിനം.
