ലംബോര്ഗിനിയുടെ ഏറ്റവും പുതിയ ഹൈബ്രിഡ് സൂപ്പര് സ്പോര്ട്സ് കാറായ ടെമരാരിയോ ഇന്ത്യയിലെത്തി. രാജ്യത്തെ ആദ്യ ലംബോര്ഗിനി ടെമരാരിയോ ഇന്ത്യന് ഉപഭോക്താവിന് കൈമാറിയതായി ഓട്ടോമൊബിലി ലംബോര്ഗിനി ഇന്ത്യ ഔദ്യോഗികമായി അറിയിച്ചു. ഇന്ത്യയിലെ എക്സ്-ഷോറൂം വില 6 കോടി രൂപയാണ്. ടെമരാരിയോയുടെ ഏറ്റവും വലിയ സവിശേഷത അതിന്റെ അത്യാധുനിക പ്ലഗ്-ഇന് ഹൈബ്രിഡ് എന്ജിന് തന്നെയാണ്. ഈ ഹൈബ്രിഡ് പവര്ട്രെയിന് സംയുക്തമായി 907 എച്പി കരുത്തും 800 എന്എം ടോര്ക്കും ഉല്പാദിപ്പിക്കുന്നു. ഇതിലെ വി8 എന്ജിന് മാത്രം 789 എച്പി കരുത്തും 730 എന്എം ടോര്ക്കും നല്കാന് ശേഷിയുള്ളതാണ്. മിനിറ്റില് 10,000 ആര്പിഎം എന്ന അമ്പരപ്പിക്കുന്ന വേഗത്തില് പ്രവര്ത്തിക്കാന് ഈ എന്ജിന് സാധിക്കും. പൂജ്യത്തില് നിന്ന് 100 കി.മീറ്റര് വേഗത്തിലേക്കെത്താന് വെറും 2.7 സെക്കന്ഡ് മതി. മണിക്കൂറില് 343 കിലോമീറ്റര് ആണ് പരമാവധി വേഗം. വിമാനത്തിന്റെ കോക്ക്പിറ്റ് പോലുള്ള ഇന്റീരിയര് ആണ് ഇതില് ഒരുക്കിയിരിക്കുന്നത്. ഇത് ഒരു യുദ്ധവിമാനം പറത്തുന്ന അനുഭൂതി നല്കും.
