അധികാരത്തിന്റെ പരമോന്നതിയില്നിന്നും ഒരു സ്വേച്ഛാധിപതി ഏകാന്തതയുടെ പടുകുഴിയിലേക്കും ഒടുക്കം സ്വന്തം തകര്ച്ചയിലേക്കും പതിക്കുന്നു. നൂറ്റാണ്ടുകളോളം ഒരു ജനതയെ ഭയത്തിന്റെയും ആജ്ഞകളുടെയും മുനയില് നിര്ത്തിയ ഒരു കിരാത ഭരണാധികാരി ഒടുവില് തന്റെ ജീര്ണ്ണിച്ച കൊട്ടാരത്തില് പശുക്കള്ക്കും കഴുകന്മാര്ക്കും നടുവില് അനാഥനായിക്കിടക്കുന്നു. അധികാരത്തിന്റെ ഉന്മാദവും അതിനോടൊപ്പമുണ്ടാകുന്ന ഭീകരമായ ഒറ്റപ്പെടലും അതിശയിപ്പിക്കുന്ന ഭാഷാശൈലിയില് ആവിഷ്കരിച്ചിരിക്കുന്ന കൃതി. ‘കുലപതിയുടെ ശരത്കാലം’. ഗബ്രിയേല് ഗാര്സിയ മാര്ക്കേസ്. വിവര്ത്തനം – ഷിലോ കെ ദേവ്. ഡിസി ബുക്സ്. വില 359 രൂപ.