ഇസ്രയേല്-ഇറാന് സംഘര്ഷത്തിനിടെ ഇറാന് പൗരന്മാര്ക്ക് മുന്നറിയിപ്പുമായി ഇസ്രയേല് സേന. ഇറാനിലെ സൈനിക ആയുധ നിർമ്മാണശാലകളിലും സഹായ സ്ഥാപനങ്ങളിലും നിലവിലുള്ളവരും വരുംഭാവിയില് അങ്ങോട്ട് പോകാനിരിക്കുന്നവരും ഉടന് തന്നെ ആ പ്രദേശങ്ങള് വിട്ടുപോവുകയും ഇനിയൊരു അറിയിപ്പുണ്ടാകും വരെ തിരികെയെത്തുകയും ചെയ്യരുതെന്നും ഇറാനിലെ ആയുധ നിര്മ്മാണശാലകള്ക്ക് സമീപമുള്ള സാന്നിധ്യം നിങ്ങളുടെ ജീവന് അപകടത്തിലാക്കുമെന്നുമാണ് ഐഡിഎഫ് വക്താവിന്റെ മുന്നറിയിപ്പ്. ഇറാനില് സൈനിക ആവശ്യങ്ങള്ക്ക് ആയുധങ്ങള് നിര്മ്മിക്കുകയും സംഭരിക്കുകയും ചെയ്യുന്ന ഇടങ്ങള്ക്കും സ്ഥാപനങ്ങള്ക്കുമെതിരെ ഇസ്രയേല് കനത്ത വ്യോമാക്രമണത്തിന് തയ്യാറെടുക്കുന്നു എന്ന സൂചനയാണ് ഈ മുന്നറിയിപ്പ് എന്നാണ് വിവരം.
