വില്‍പ്പന റെക്കോഡുകള്‍ സൃഷ്ടിച്ച് ഡിസയര്‍

മാരുതിയുടെ ജനപ്രിയ സെഡാനായ ഡിസയര്‍ തുടര്‍ച്ചയായി പുതിയ വില്‍പ്പന റെക്കോര്‍ഡുകള്‍ സൃഷ്ടിച്ചുകൊണ്ടിരിക്കുകയാണ്. 2024 ജനുവരി മുതല്‍ നവംബര്‍ വരെ ഈ കാറിന് ആകെ 1,51,415 പുതിയ ഉപഭോക്താക്കളെ ലഭിച്ചു. കഴിഞ്ഞ മാസം 11 ന് ഇന്ത്യന്‍ വിപണിയില്‍ മാരുതി ഡിസയറിന്റെ അപ്ഡേറ്റ് പതിപ്പ് കമ്പനി അവതരിപ്പിച്ചു. കുടുംബ സുരക്ഷയ്ക്കായുള്ള ക്രാഷ് ടെസ്റ്റില്‍ ഗ്ലോബല്‍ എന്‍സിഎപി പുതിയ ഡിസയറിന് 5-സ്റ്റാര്‍ റേറ്റിംഗ് ലഭിച്ചു. ആകെ 7 കളര്‍ ഓപ്ഷനുകളിലാണ് പുതിയ മാരുതി ഡിസയര്‍ ലഭ്യമാകുന്നത്. കമ്പനി പുതിയ ഡിസയറില്‍ 1.2 ലിറ്റര്‍ 3-സിലിണ്ടര്‍ പെട്രോള്‍ എഞ്ചിനാണ് നല്‍കിയിരിക്കുന്നത്. ഈ എഞ്ചിന്‍ പരമാവധി 81.58 ബിഎച്ച്പി കരുത്തും 111.7 എന്‍എം പീക്ക് ടോര്‍ക്കും സൃഷ്ടിക്കാന്‍ പ്രാപ്തമാണ്. 6.79 ലക്ഷം മുതല്‍ 10.14 ലക്ഷം രൂപ വരെയാണ് മാരുതി ഡിസയറിന്റെ പ്രാരംഭ എക്സ്-ഷോറൂം വില.