ഹരിയാന നിയമസഭ തെരഞ്ഞെടുപ്പിന്റെ വോട്ടെണ്ണലിന്റെ ആദ്യ ഫല സൂചനകള് വരുമ്പോഴേക്കും വിജയം ഉറപ്പിച്ച് കോണ്ഗ്രസ് ആഘോഷനങ്ങൾ തുടങ്ങി. ഹരിയാനയിൽ വിജയം ഉറപ്പിച്ചുകൊണ്ട് ദില്ലിയിലെ എഐസിസി ആസ്ഥാനത്തും ഹരിയാനയിലും കോണ്ഗ്രസ് പ്രവര്ത്തകര് ആഹ്ളാദ പ്രകടനം തുടങ്ങി. എഐസിസി ആസ്ഥാനത്ത് ലഡ്ഡു വിതരണം ചെയ്തുകൊണ്ടും മുദ്രാവാക്യം വിളിച്ചുകൊണ്ടുമാണ് കോണ്ഗ്രസ് പ്രവര്ത്തകരുടെ ആഹ്ലാദ പ്രകടനം. ഡോലക്കും ബാന്ഡുമേളവുമൊക്കെയായി വലിയ രീതിയിലുള്ള ആഘോഷമാണ് എഐസിസി ആസ്ഥാനത്ത് നടക്കുന്നത്. പ്ലക്കാര്ഡുകളേന്തിയാണ് പ്രവര്ത്തകര് എഐസിസി ആസ്ഥാനത്ത് എത്തിയിരിക്കുന്നത്.