എസ്.ബി.ഐയുടെ അറ്റാദായത്തില്‍ വന്‍ വര്‍ധന

രാജ്യത്തെ ഏറ്റവും വലിയ പൊതുമേഖല ബാങ്കായ എസ്.ബി.ഐയുടെ അറ്റാദായത്തില്‍ വന്‍ വര്‍ധന. പലിശയില്‍ നിന്നുള്ള വരുമാനം വര്‍ധിച്ചതാണ് എസ്.ബി.ഐക്ക് കരുത്തായത്. ഒന്നാം പാദത്തില്‍ അറ്റാദായത്തില്‍ 178.25 ശതമാനം വര്‍ധനയാണുണ്ടായത്. കഴിഞ്ഞ സാമ്പത്തിക വര്‍ഷത്തിലെ ഒന്നാംപാദവുമായി താരതമ്യം ചെയ്യുമ്പോഴാണ് അറ്റാദായം വര്‍ധിച്ചത്. 16,884.3 കോടിയുടെ വര്‍ധനയാണ് രേഖപ്പെടുത്തിയത്. മാര്‍ച്ചില്‍ അവസാനിച്ച സാമ്പത്തിക വര്‍ഷത്തിന്റെ നാലാം പാദത്തില്‍ 16,695 കോടിയായിരുന്നു കമ്പനിയുടെ ലാഭം. 14,948.66 കോടിയുടെ അറ്റാദായം എസ്.ബി.ഐക്കുണ്ടാവുമെന്നായിരുന്നു ബ്ലുംബെര്‍ഗ് പ്രവചനം. പലിശയില്‍ നിന്നുള്ള എസ്.ബി.ഐയുടെ വരുമാനത്തില്‍ 24.71 ശതമാനം വര്‍ധന രേഖപ്പെടുത്തി. 38,904.9 കോടിയാണ് എസ്.ബി.ഐയുടെ പലിശ വരുമാനം.12,063.4 കോടിയാണ് എസ്.ബി.ഐയുടെ മറ്റുള്ള വരുമാനം. കിട്ടാകടം 2.78 ശതമാനത്തില്‍ നിന്നും 2.76 ശതമാനമായാണ് കിട്ടാകടം കുറഞ്ഞത്. എസ്.ബി.ഐയുടെ നിക്ഷേപത്തിലും വര്‍ധനയുണ്ടായിട്ടുണ്ട്. നിക്ഷേപം 12 ശതമാനമാണ് വര്‍ധിച്ചത്. 45.3 ലക്ഷം കോടിയായാണ് നിക്ഷേപം വര്‍ധിച്ചത്.