കെ.മുരളീധരൻ പൊതു പ്രവർത്തന രംഗത്ത് തുടരണമെന്ന് ബെന്നി ബഹനാൻ

ഒരു തിരഞ്ഞെടുപ്പു പരാജയത്തിന്‍റെ പേരിൽ പൊതു പ്രവർത്തനം അവസാനിപ്പിക്കേണ്ട ആളല്ല മുരളിധരനെന്ന് കോൺഗ്രസ് നേതാവ് ബെന്നി ബഹനാൻ. തൃശൂരിലെ പരാജയത്തിൽ ആത്മപരിശോധന വേണം. ആഴത്തിലുള്ള പരിശോധയാണ് വേണ്ടത്. തൃശൂരിൽ ബി.ജെ.പി എങ്ങനെ വേരുറപ്പിക്കുന്നുവെന്ന് കോൺഗ്രസും സിപിഎമ്മും പഠിക്കണം. ബി.ജെ പിയുടെ വേരുകൾ പടരാതിരിക്കാനുള്ള ജാഗ്രതയും മുൻ കരുതലും ഉണ്ടാവണം.കോൺഗ്രസ് വളരെയധികം ശ്രദ്ധിക്കേണ്ട ജില്ലയാണ് തൃശൂരെന്നും അദ്ദേഹം പറഞ്ഞു.