കർണാടകയിലെ ഷിരൂരിൽ നിന്ന് കോഴിക്കോട് കണ്ണാടിക്കല് സ്വദേശി അർജുന്റെ മൃതദേഹം നാട്ടിലെത്തിക്കാനുള്ള നടപടികള് ഇന്ന് ആരംഭിക്കും. അര്ജുന്റെ മൃതദേഹം കാര്വാര് ആശുപത്രിയില് സൂക്ഷിച്ചിരിക്കുകയാണ്. ഡിഎൻഎ പരിശോധനാ ഫലം രണ്ടുദിവസത്തിനുള്ളിൽ ലഭിച്ചേക്കും. എത്രയും വേഗം നടപടികള് പൂർത്തീകരിക്കുകയാണ് ലക്ഷ്യമെന്ന് ജില്ലാ ഭരണകൂടം ഇന്നലെതന്നെ വ്യക്തമാക്കിയിരുന്നു. അതോടൊപ്പം അർജുൻ ഓടിച്ചിരുന്ന ലോറി പൂര്ണമായി കരയിലെത്തിക്കാനുള്ള ശ്രമം രാവിലെ മുതൽ ആരംഭിച്ചു. ഇന്നലെ ക്രെയിൻ ഉപയോഗിച്ച് കരകയറ്റാൻ ശ്രമിച്ചെങ്കിലും വടം പൊട്ടിയതോടെ ഇത് അവസാനിപ്പിക്കുകയായിരുന്നു.
