മലയാളത്തിലെ യുവഅഭിനേത്രികളില്‍ ശ്രദ്ധേയയായ അപര്‍ണ ദാസിന്റെ ഗാരിജിലേക്കു പുത്തന്‍ ഒരു വാഹനം കടന്നു വന്നിരിക്കുന്നു. ഇന്ത്യയിലെ പ്രമുഖ വാഹന നിര്‍മാതാക്കളായ ടാറ്റയുടെ, ഇടി പരീക്ഷയില്‍ അഞ്ച് സ്റ്റാര്‍ കരസ്ഥമാക്കിയ നെക്സോണാണ് ആണ് താരം സ്വന്തമാക്കിയിരിക്കുന്നത്. വൈറ്റ് ഷെയ്ഡാണ് വാഹനത്തിനായി അപര്‍ണ തിരഞ്ഞെടുത്തിരിക്കുന്നത്. ഇന്ത്യയിലെ ഏറ്റവും സുരക്ഷിതമായ വാഹനങ്ങളില്‍ ഒന്നായ നെക്സോണ്, ഗ്ലോബല്‍ എന്‍ സി എ പി ക്രാഷ് ടെസ്റ്റില്‍ അഞ്ച് സ്റ്റാര്‍ നേടിയ ചെറുഎസ് യു വിയാണ്. സുരക്ഷ മാത്രമല്ലാതെ, എല്ലാ അത്യാധുനിക സൗകര്യങ്ങളും ടാറ്റ ഈ വാഹനത്തിനു നല്‍കിയിട്ടുണ്ട്. നിരവധി ഫീച്ചറുകളും ഏറെ മാറ്റങ്ങളുമായി പുതിയ നെക്സോണ് വിപണിയിലെത്തിയത്. പെട്രോള്‍, ഡീസല്‍ എന്‍ജിനുകളുണ്ട് പുതിയ മോഡലില്‍. പെട്രോള്‍ മോഡലില്‍ 118 എച്ച്പി കരുത്തും 170 എന്‍എം ടോര്‍ക്കുമുള്ള 1.2 ലീറ്റര്‍ എന്‍ജിനും. ഡീസല്‍ പതിപ്പില്‍ 115 ബിഎച്ച്പി കരുത്തും 260എന്‍എം ടോര്‍ക്കുള്ള 1.5 ലീറ്റര്‍ ടര്‍ബോ ചാര്‍ജിഡ് പെട്രോള്‍ എന്‍ജിനുമാണ് ഉപയോഗിക്കുന്നത്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan