സമ്പത്തിന്റെ കാര്യത്തില്‍ ബോളിവുഡ് നടിമാരില്‍ ഒന്നാമത് ഐശ്വര്യ റായ് തന്നെ. വമ്പന്‍ പ്രതിഫലം പറ്റി സജീവമായി സിനിമകള്‍ ചെയ്യുന്ന മുന്‍നിര നായികമാര്‍ ദീപിക പദുക്കോണും ആലിയ ഭട്ടും കരീന കപൂറുമൊക്കെ ഐശ്വര്യയ്ക്കു പിന്നിലാണ്. ഐശ്വര്യയുടെ ആസ്തി 828 കോടി രൂപയാണ് എന്നാണ് റിപ്പോര്‍ട്ട്. സിനിമയ്ക്ക് പുറമേ മറ്റ് സംരഭങ്ങളിലും നിക്ഷേപമുള്ളതാണ് താരത്തെ അതി സമ്പന്നയാക്കി മാറ്റുന്നത്. പ്രിയങ്കാ ചോപ്രയാണ് രണ്ടാം സ്ഥാനത്ത് ഉള്ളത്. പ്രിയങ്ക ചോപ്രയുടെ ആസ്തി 580 കോടി രൂപയാണ്. മൂന്നാമത് മാത്രമാണ് ഇപ്പോഴത്തെ മുന്‍നിര താരം ആലിയാ ഭട്ടിന്റെ സ്ഥാനം. നടി ആലിയ ഭട്ടിന് 557 കോടിയുടെ ആസ്തിയും നാലാമതുള്ള കരീന കപൂറിനാകട്ടെ ആസ്തി 440 കോടി രൂപയുമാണ്. അഞ്ചാമതുള്ള ദീപികയുടെ ആസ്തി 314 കോടി രൂപയാണ്. ആറാമതുള്ള അനുഷ്‌ക ശര്‍മയുടെ ആസ്തി 255 കോടി രൂപയും ഏഴാം സ്ഥാനത്തുള്ള മാധുരി ദീക്ഷിത്തിന് 248 കോടി രൂപയുമാണ് ആസ്തി. എട്ടാം സ്ഥാനത്ത് കത്രീന 217 കോടി രൂപയുമായിട്ടുണ്ട്. ഒമ്പതാമുള്ള ശ്രദ്ധ കപൂറിന് 212 കോടി രൂപ ആസ്തിയും തൊട്ടുപിന്നില്‍ പത്താം സ്ഥാനത്തുള്ള ജാക്വലിന്‍ ഫെര്‍ണാണ്ടസിന് 101 കോടി രൂപയുടെ ആസ്തിയുമാണ് ഉള്ളത്.