മുഖ്യമന്ത്രി ഖേദം പ്രകടിപ്പിക്കണമെന്ന് അബ്ദു സമദ് പൂക്കോട്ടൂര്‍

കുറ്റവാളികളെ മതം തിരിച്ച് ആക്ഷേപിച്ച സമീപനം മതേതര സ്വഭാവത്തിന് വിഘാതം സൃഷ്ടിക്കുന്ന നടപടിയാണെന്ന് ഇകെ വിഭാഗം സമസ്ത നേതാവ് അബ്ദു സമദ് പൂക്കോട്ടൂര്‍. ഈരാറ്റുപേട്ട വിഷയം സംബന്ധിച്ച പ്രസ്താവനയില്‍ മുഖ്യമന്ത്രി ഖേദം പ്രകടിപ്പിക്കണമെന്നും, വസ്തുതകള്‍ക്ക് നിരക്കാത്ത പരാമര്‍ശമാണെന്ന് എല്ലാവര്‍ക്കും ബോധ്യമായിട്ടും ഖേദം പ്രകടിപ്പിക്കാത്തത് പ്രതിഷേധാര്‍ഹമാണെന്നും അദ്ദേഹം പറഞ്ഞു. കേരളത്തിൽ തന്നെ ഉന്നത സ്ഥാനത്ത് ഇരിക്കുന്ന മുഖ്യമന്ത്രിയെപ്പോലെ ഒരാൾ ഇങ്ങനെ പറയുമ്പോൾ ഉത്തരേന്ത്യയിലെ നേതാക്കൾ പ്രകടിപ്പിക്കുന്ന രീതിയിലുള്ള പരാമർശമായിപ്പോയെന്ന് പറയുന്നതിൽ തെറ്റില്ലെന്നും അദ്ദേഹം കൂട്ടിച്ചേർത്തു.