തൃശൂരിന്റെ വികസനവുമായി ബന്ധപ്പെട്ട് ഫസ്റ്റ് ആന്ഡ് ലാസ്റ്റ് പ്രയോറിറ്റി ഇല്ലെന്നും ജനങ്ങൾക്ക് ആവശ്യമുള്ളതിനാണ് മുൻഗണനയെന്നും കേന്ദ്ര മന്ത്രി സുരേഷ് ഗോപി. തൃശൂര്-കുറ്റിപ്പുറം പാത വൈകുന്നതിന്റെ കാരണം കോണ്ട്രാക്ടര്മാരോടാണ് ചോദിക്കേണ്ടതെന്നും തന്നെ ഏല്പ്പിച്ച ജോലി തന്റെ അച്ഛനും അമ്മയ്ക്കും വരെ തൃപ്തികരമായ രീതിയില് നിര്വഹിക്കുമെന്നും സുരേഷ് ഗോപി പറഞ്ഞു. ഇതോടൊപ്പം സ്പിരിച്വല് ടൂറിസം സര്ക്യൂട്ട് പദ്ധതി മനസിലുണ്ടെന്നും അദ്ദേഹം പറഞ്ഞു. നാഗപട്ടണം വേളാങ്കണ്ണി ദിണ്ടിഗല് ക്ഷേത്രം ഭരണങ്ങാനം മംഗളാദേവി മലയാറ്റൂര് കാലടി കൊടുങ്ങല്ലൂര് തൃശൂര് ലൂര്ദ് പള്ളി തുടങ്ങിയവയെ ബന്ധിപ്പിച്ചുകൊണ്ടുള്ള സ്വിരിച്ച്വല് ടൂറിസം പദ്ധതി നടപ്പാക്കാനാണ് ആലോചിക്കുന്നത്. ഇതില് ഗുരുവായൂരിനെ വെറെ തന്നെ കാണേണ്ടതുണ്ടെന്നും സുരേഷ് ഗോപി കൂട്ടിച്ചേർത്തു.