സിപിഎം നേതൃത്വത്തിനെതിരെ വെളിപ്പെടുത്തലുമായി പുറത്താക്കപ്പെട്ട കണ്ണൂര്‍ ജില്ലാ കമ്മിറ്റിയംഗം

സിപിഎം നേതൃത്വത്തിനെതിരെ വെളിപ്പെടുത്തലുകളുമായി പുറത്താക്കപ്പെട്ട കണ്ണൂര്‍ ജില്ലാ കമ്മിറ്റിയംഗം മനു തോമസ്. സിപിഎം ജില്ലാ കമ്മറ്റിയിൽ നിന്ന് മനുവിനെ ഇന്നലെ ഒഴിവാക്കിയിരുന്നു. മനസുമടുത്തിട്ടാണ് പാര്‍ട്ടി പ്രവര്‍ത്തനം അവസാനിപ്പിച്ചത്. സ്വര്‍ണക്കടത്ത് സംഘവുമായി ബന്ധമുണ്ടെന്ന് എം.ഷാജിറിനെതിരെ പരാതി നല്‍കിയിട്ടും നടപടിയുണ്ടായില്ല. പാര്‍ട്ടി തിരുത്തുന്നില്ലെന്നും അഡ്ജസ്റ്റ് ചെയ്തുപോവുകയാണെന്നും മനു പറഞ്ഞു. ആകാശ് തില്ലങ്കേരി അടക്കമുള്ളവര്‍ക്ക് പാര്‍ട്ടിയില്‍ നിന്ന് സഹായം കിട്ടുന്നുണ്ടെന്നും തുറന്നുപറയാന്‍ ഭയമില്ലെന്നും മനു തോമസ് കൂട്ടിച്ചേര്‍ത്തു.