സിദ്ധാർത്ഥന്റെ മരണം സംബന്ധിച്ച കേസ്‌ സിബിഐക്ക് വിട്ടത് കുടുംബം ആവശ്യപ്പെട്ടതിനാലാണെന്ന് മന്ത്രി വി ശിവൻകുട്ടി

പൂക്കോട് വെറ്ററിനറി കോളേജിലെ സിദ്ധാർത്ഥ് മരണപ്പെട്ടതുമായി ബന്ധപ്പെട്ടുള്ള പോലീസ് അന്വേഷണത്തിൽ യാതൊരു അതൃപ്തിയും സിദ്ധാർഥിന്റെ കുടുംബം രേഖപ്പെടുത്തിയിട്ടില്ലെന്നും പ്രതികളെ വേഗം തന്നെ പിടികൂടിയതിൽ തൃപ്തി രേഖപ്പെടുത്തുകയുമാണ് ചെയ്തതെന്നും മന്ത്രി വി ശിവൻകുട്ടി. കേസ്‌ സിബിഐക്ക് വിട്ടത് കുടുംബം ആവശ്യപ്പെട്ടതിനാലാണെന്നും, എന്നാൽ ഇതിനെയും രാഷ്ട്രീയവൽക്കരിക്കാൻ ആണ് കോൺഗ്രസ്‌ ശ്രമിച്ചത്. ലോക്സഭാ തെരഞ്ഞെടുപ്പ് മുന്നിൽ കണ്ടുകൊണ്ട് തന്നെയായിരുന്നു ഈ നീക്കമെന്നും മന്ത്രി കുററപ്പെടുത്തി. പരാജയ ഭീതി കൊണ്ട് വിഭ്രാന്തിയിലായ കോൺഗ്രസ്‌ എല്ലാത്തിനെയും രാഷ്ട്രീയവൽക്കരിച്ച് വിവാദമാക്കാൻ ശ്രമിക്കുകയാണെന്നും മന്ത്രി പറഞ്ഞു.