ഓപ്പറേഷൻ അജയ്യുടെ ഭാഗമായി ഇസ്രയേലില്‍ നിന്നും രണ്ട് വിമാനങ്ങൾ കൂടി ഡൽഹിയിലെത്തി. പുലര്‍ച്ചെ ഒന്നരയോടെ മൂന്നാം വിമാനവും രാവിലെ 8 മണിയോടെ നാലാം വിമാനവും ഇന്ദിരാഗാന്ധി രാജ്യാന്തര വിമാനത്താവളത്തില്‍ എത്തുകയായിരുന്നു. ആദ്യത്തെ വിമാനത്തിൽ 18 മലയാളികൾ ഉൾപ്പെടെ 198 പേരുണ്ട്. 18 മലയാളികളിൽ 14 പേരും വിദ്യാർഥികളാണ്. രണ്ടാമത്തെ വിമാനത്തിൽ ആകെ 274 പേരാണുള്ളത്. രക്ഷാദൗത്യത്തിന്റെ ഭാഗമായി ഇതുവരെ 919 ഇന്ത്യക്കാർ മടങ്ങിയെത്തി.
