കോളറ വാക്‌സിൻ ദൗർലഭ്യം രൂക്ഷമെന്ന് ഡബ്ല്യുഎച്ച്ഒ

കോളറ രോഗം പടരുന്നത് തടയാനുള്ള  വാക്സിന് ക്ഷാമമെന്ന് റിപോർട്ട് . ആഗോള ശേഖരത്തിൽ വാക്സിന്‍ സ്റ്റോക്കുകൾ അവശേഷിക്കുന്നില്ലെന്ന് ലോകാരോഗ്യ സംഘടന  വെളിപ്പെടുത്തി. ആഗോളതലത്തിൽ വാക്‌സിൻ ഉത്പാദനം പൂർണ്ണശേഷിയിൽ നടക്കുന്നുണ്ടെങ്കിലും ആവശ്യം വിതരണത്തേക്കാൾ കൂടുതലാണെന്നും ഡബ്ല്യുഎച്ച്ഒ പ്രതിമാസ റിപ്പോർട്ടിൽ പറയുന്നതായാണ് റിപ്പോർട്ടുകൾ . സംഭരിച്ചുവെച്ചിരുന്ന ഓറൽ കോളറ വാക്‌സിൻ ഒക്‌ടോബർ 14ന് പൂർണമായും തീർന്നതായി ലോകാരോഗ്യ സംഘടന പറഞ്ഞു.സെപ്റ്റംബർ ഒന്നിനും ഒക്ടോബർ 14 നും ഇടയിൽ ബംഗ്ലാദേശ്, സുഡാൻ, നൈജർ, എത്യോപ്യ, മ്യാൻമർ എന്നിവിടങ്ങളിൽ നിന്ന് കോളറ വാക്‌സിനായുള്ള അഭ്യർത്ഥനകൾ ലഭിച്ചിരുന്നതായും 8.4 ദശലക്ഷം ഡോസുകൾ ആവശ്യപ്പെട്ടെങ്കിലും 7.6 ദശലക്ഷം ഡോസുകൾ മാത്രമേ കയറ്റുമതി ചെയ്യാൻ സാധിച്ചുള്ളൂവെന്നും ലോകാരോഗ്യ സംഘടന അറിയിച്ചു.