സ്റ്റേജും മൈക്കും പൊതുജനം വലിയ സംഭവമാക്കുന്നില്ലെന്ന തിരിച്ചറിവ് നേതാക്കൾക്ക് വേണമെന്ന് യൂത്ത് കോൺഗ്രസ് മലപ്പുറം ജില്ലാ പ്രസിഡന്റ് ഹാരിസ് മുദൂറിന്റെ ഫേസ്‍ബുക്ക് പോസ്റ്റ്. നേതാക്കളുടെ ജാഗ്രത കുറവിന് കനത്ത വിലയാണ് നൽകേണ്ടി വരുന്നതെന്നും എന്റെ തല എന്റെ ഫിഗർ കാലമൊക്കെ കാറ്റിൽ പറന്നു പോയിട്ടുണ്ട്. കഴിവുള്ളവരെ ഒരു കുറ്റിയിലും തളച്ചിടാൻ കഴിയില്ല. അല്ലാത്തവർ സ്റ്റേജിൽ താമസമാക്കിയും മൈക്കിന് മുന്നിൽ കിടന്നുറങ്ങിയും അഭ്യാസം തുടരുമെന്നും ഹാരിസ് മുദൂർ കുററപ്പെടുത്തുന്നു. സമരാഗ്നി സംസ്ഥാനതല ജാഥയുടെ സമാപന സമ്മേളനത്തിൽ ദേശീയഗാനം ഡിസിസി അധ്യക്ഷന്‍ പാലോട് രവി തെറ്റിച്ച് പാടുകയും ഇതേ തുടർന്ന് ആലിപ്പറ്റ ജമീല ദേശീയഗാനം തിരുത്തിപ്പാടുകയും ചെയ്തിരുന്നു. ഇതുമായ് ബന്ധപ്പെട്ടാണ് ഹാരിസിന്റെ പോസ്റ്റ് .