സില്വര് ലൈന് ഉപേക്ഷിച്ചിട്ടില്ലെന്ന് വ്യക്തമാക്കി കെ റെയില്. നിര്ദിഷ്ട പദ്ധതി ഉപേക്ഷിക്കാന് തീരുമാനിച്ചുവെന്ന പ്രചാരണം അടിസ്ഥാന രഹിതമാണെന്ന് കെ റെയില് വ്യക്തമാക്കി. കേന്ദ്ര സര്ക്കാര് പദ്ധതിക്ക് തത്വത്തില് അംഗീകാരം നല്കിയതിനെതുടര്ന്ന് ആരംഭിച്ച പ്രാരംഭ പ്രവര്ത്തനങ്ങള് തുടര്ന്ന് വരികയാണ്. റെയിൽവേ ബോർഡിന്റെ അനുമതി കിട്ടുന്ന മുറയ്ക്ക് അൻപത് വർഷത്തെ വികസനം മുന്നണിൽ കണ്ട് നടപ്പാക്കിയ സിൽവർ ലൈൻ പദ്ധതിയുടെ തുടർനടപടിയിലേക്ക് കടക്കുമെന്ന് കെ റെയിൽ വ്യക്തമാക്കി.അന്തിമാനുമതിക്ക് മുന്നോടിയായി, ഡിപിആറുമായി ബന്ധപ്പെട്ട് കേന്ദ്ര റെയില്വേ ബോര്ഡ് ആവശ്യപ്പെട്ട വിശദാംശങ്ങള് കെ റെയില് കോര്പറേഷന് ദക്ഷിണ റെയില്വേ അധികൃതര്ക്ക് സമര്പ്പിച്ചിട്ടുണ്ട്.
