ആദില്‍ ഇബ്രാഹിം, ആരാധ്യ ആന്‍, യാമി സോന എന്നിവരെ പ്രധാന കഥാപാത്രങ്ങളാക്കി നവാഗതനായ ശ്രീലാല്‍ നാരായണന്‍ രചനയും സംവിധാനവും നിര്‍വഹിക്കുന്ന ചിത്രമാണ് ‘സ്പ്രിംഗ്’. ബാദുഷ പ്രൊഡക്ഷന്‍സ്, ലൈം ടീ പ്രൊഡക്ഷന്‍സ് എന്നീ ബാനറുകളില്‍ എന്‍ എം ബാദുഷ, ശ്രീലാല്‍ എം എന്‍ എന്നിവര്‍ ചേര്‍ന്ന് നിര്‍മ്മിക്കുന്ന ചിത്രത്തിന്റെ ആദ്യ ഗാനം റിലീസായി. ബി മ്യൂസിക്കിന്റെ യൂട്യൂബ് ചാനലിലൂടെയാണ് ഗാനം റിലീസ് ചെയ്തത്. സംവിധായകന്‍ ശ്രീലാലിന്റെ വരികള്‍ക്ക് അലോഷ്യ പീറ്റര്‍ ആണ് സംഗീതം നല്‍കി ആലപിച്ചിരിക്കുന്നത്. പ്രണയവും പ്രതികാരവും നിറഞ്ഞ സ്പ്രിംഗ് ഒരു റൊമാന്റിക് ത്രില്ലറാണ്. ചിത്രത്തില്‍ പൂജിത മേനോന്‍, ബിറ്റോ ഡേവിസ്, ബാലാജി, ചെമ്പില്‍ അശോകന്‍, വിനീത് തട്ടില്‍ എന്നിവരാണ് മറ്റ് അഭിനേതാക്കള്‍.