കിഫ്ബി മസാല ബോണ്ട് കേസിൽ ഇഡിയ്ക്കു മുമ്പിൽ തോമസ് ഐസക്ക് ഇന്ന് ഹാജരാകേണ്ടതായിരുന്നു. എന്നാൽ അദ്ദേഹം ഹാജരായില്ല. തുടർന്ന് തോമസ് ഐസക്കിന്റെ ഹർജി പരിഗണിക്കുന്നതിനിടെ സമൻസ് സ്റ്റേ ചെയ്യാൻ ഹൈക്കോടതി തയ്യാറായില്ല. ഇഡിയ്ക്ക് മുമ്പിൽ ഹാജരാകുന്നതിൽ അദ്ദേഹത്തിന് എന്താണ് തടസ്സമെന്നും അതിൽ നിയമപരമായി എന്ത് തെറ്റാണുള്ളത്, ഇ.ഡിയുടെ മുമ്പിൽ ഹാജരാകാൻ കോടതിയുടെ ഭാഗത്ത് നിന്ന് സംരക്ഷണം ആവശ്യം ഉണ്ടെങ്കിൽ ആ ഉത്തരവ് നൽകാമെന്നും ജസ്റ്റിസ് ദേവൻ രാമചന്ദ്രൻ അറിയിച്ചു.