വീണ്ടും തരംഗം തീര്ത്ത് സംഗീതസംവിധായകനും ഗായകനുമായ സായ് അഭ്യങ്കറിന്റെ ഏറ്റവും പുതിയ സിംഗിള്. ‘റധിമാ’ എന്ന പേരിട്ടിരിക്കുന്ന മ്യൂസിക് വീഡിയോ ഇതുവരെ 48 ലക്ഷത്തിലേറെപ്പേര് കണ്ടു. തിങ്കളാഴ്ച പുറത്തിറങ്ങിയ വീഡിയോ ഇപ്പോള് യൂട്യൂബ് മ്യൂസിക് ട്രെന്ഡിങ് ചാര്ട്ടില് രണ്ടാമതാണ്. നടി ഭാഗ്യശ്രീ ബോര്സെയാണ് വീഡിയോയില് സായ്ക്കൊപ്പമുള്ളത്. സായ് അഭ്യങ്കര് തന്നെ ഈണം പകര്ന്ന് ആലപിച്ചിരിക്കുന്ന ഗാനത്തിന്റെ വരികള് എഴുതിയത് വിവേകാണ്. ‘ആസ കൂട’, ‘വിഴി വീക്കുറ’, ‘പവഴമല്ലി’ എന്നിവ ഒരുക്കിയ തേജോ ഭരദ്വാജാണ് പുതിയ മ്യൂസിക് വീഡിയോയുടെയും സംവിധാനം നിര്വ്വഹിച്ചിരിക്കുന്നത്. ഈ വര്ഷം പുറത്തിറങ്ങുന്ന സായ് അഭ്യങ്കറിന്റെ രണ്ടാമത്തെ സിംഗിളാണിത്. ശ്രുതി ഹാസനുമായി ഒന്നിച്ച ‘പവഴമല്ലി’ എന്ന ഗാനമായിരുന്നു ഇതിനുമുമ്പ് പുറത്തുവന്നത്. കയാദു ലോഹറായിരുന്നു ആ മ്യൂസിക് വീഡിയോയില് അഭിനയിച്ചത്.