സ്വാതന്ത്ര്യദിനത്തോടനുബന്ധിച്ച് ധീരതയ്ക്കുള്ള രാഷ്ട്രപതിയുടെ സേന മെഡലുകൾ പ്രഖ്യാപിച്ചു. മൂന്ന് സൈനികർക്കും ഒരു ജമ്മു കശ്മീർ പൊലീസ് ഉദ്യോഗസ്ഥനുമാണ് കീർത്തിചക്ര നൽകി രാജ്യം ആദരിക്കുന്നത്. 18 സൈനികർക്കാണ് ശൗര്യചക്ര പ്രഖ്യാപിച്ചത്. ഇതിൽ നാല് പേർക്ക് മരണാനന്തര ബഹുമതിയായി ശൗര്യചക്ര നൽകും. കരസേനയിൽ നിന്ന് 63 പേർക്ക് ധീരതയ്ക്കുള്ള സേന മെഡലുകളും നല്‍കി രാജ്യം ആദരിക്കും. പതിനൊന്ന് പേർക്കാണ് നാവികസേനയുടെ ധീരതയ്ക്കുള്ള മെഡൽ ലഭിച്ചത്. മലയാളിയായ ക്യാപ്റ്റൻ ബ്രിജേഷ് നമ്പ്യാർ ധീരതയ്ക്കുള്ള നാവികസേന മെഡലിന് അര്‍ഹനായി.വ്യോമസേന അംഗങ്ങൾക്കുള്ള രാഷ്ട്രപതിയുടെ ധീരതയ്ക്കുള്ള മെഡലുകളും പ്രഖ്യാപിച്ചു. രണ്ട് പേർക്ക് ശൗര്യചക്രയും ആറ് പേർക്ക് ധീരതയ്ക്കുള്ള വായുസേന മെഡലുകൾ നൽകി രാജ്യം ആദരിക്കും.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan