നമ്മുടെ നെല്നിലങ്ങളുടെ പശ്ചാത്തലത്തില് മണ്ണിന്റേയും മനുഷ്യരുടേയും അറിയാക്കഥകള് അനാവരണം ചെയ്യുന്ന അസാധാരണ നോവലാണ് നിലം. തെക്ക് പാറശാല മുതല് വടക്ക് മഞ്ചേശ്വരം വരെയുള്ള പാടങ്ങളില് നാരായണന് പോറ്റി എന്ന നെല്ലുപോറ്റി നടത്തുന്ന വയല്സഞ്ചാരത്തില് വെളിപ്പെടുന്ന ഉദ്വേഗഭരിതമായ സംഭവങ്ങള്, കഥകളും ഉപകഥകളുമായി ഈ നോവലില് നിറയുന്നു. ഓരോ വയലിനും ഓരോ കഥകള് – അങ്ങനെ അനേകം വയലുകള് പറയുന്ന ഒട്ടേറെ കഥകളുടെ മഹാസഞ്ചയം. ഒരു കാലഘട്ടത്തിലെ രാഷ്ട്രീയവും അരാഷ്ട്രീയവും അടിമത്തവും സ്വാതന്ത്ര്യവും ‘നില’ത്തില് ദര്ശിക്കാം. ‘നിലം’. എസ്. മഹാദേവന് തമ്പി. ഗ്രീന് ബുക്സ്. വില 555 രൂപ.