പാവപ്പെട്ട മത്സ്യത്തൊഴിലാളികളെ പുരോഹിതർ ഓരോന്ന് പറഞ്ഞ് സമരത്തിനിറക്കുന്നതായി മന്ത്രി ശിവൻകുട്ടി

പാവപ്പെട്ട മത്സ്യത്തൊഴിലാളികളെ പുരോഹിതന്മാർ പല കാരണങ്ങൾ പറഞ്ഞ് സമരത്തിന് നിർബന്ധിക്കുകയാണെന്ന ഗുരുതര ആരോപണവുമായി മന്ത്രി ശിവൻകുട്ടി.
കേസിൽ ബുദ്ധിമുട്ട് അനുഭവിക്കുക സാധാരണ മത്സ്യ തൊഴിലാളികൾ മാത്രമായിരിക്കുമെന്നു പറഞ്ഞ ശിവൻകുട്ടി, കേസ് നടത്താൻ ഏതെങ്കിലും പുരോഹിതർ ഉണ്ടാകുമോ എന്നും ചോദിച്ചു. ഭീകരവാദ പ്രവർത്തനങ്ങൾക്ക് നേതൃത്വം നൽകി പരിചയമുള്ള ഏതോ ശക്തികൾ ആക്രമണത്തിന് പിന്നിലുണ്ടെന്നും അദ്ദേഹം ആരോപിച്ചു.
വിഴിഞ്ഞത്ത് കലാപം ഉണ്ടാക്കാനുള്ള പരിശ്രമമാണ് സമരക്കാർ നടത്തുന്നതെന്ന് മന്ത്രി ശിവൻകുട്ടി ആവർത്തിച്ച് ആരോപിച്ചു . സർക്കാറിനെതിരെ പ്രവർത്തിക്കാൻ പുറത്തുള്ള ഏജൻസികൾ സഹായിക്കുന്നുണ്ടോ എന്ന് സംശയമുണ്ടെന്നും ശിവൻകുട്ടി പറഞ്ഞു.