ഗെയിമിങ് ലോകം ഏറെ പ്രതീക്ഷയോടെ കാത്തിരിക്കുന്ന ‘ഗ്രാന്‍ഡ് തെഫ്റ്റ് ഓട്ടോ വിഐ’ (ജിടിഎ 6) ഗെയിമിന്റെ ക്ലൗഡ് സ്ട്രീമിങ് കരാര്‍ സ്വന്തമാക്കി മൈക്രോസോഫ്റ്റിന്റെ ഗെയിമിങ് പ്ലാറ്റ്ഫോമായ എക്‌സ്‌ബോക്‌സ്. എക്‌സ്‌ബോക്‌സ് കണ്‍സോളുകളില്‍ മാത്രമായിരിക്കും ജിടിഎ 6 ലഭിക്കുകയെന്നാണ് സൂചന. ജിടിഎ 6 പുറത്തിറങ്ങുന്ന നവംബറില്‍ എക്‌സ്‌ബോക്‌സ് ക്ലൗഡ് ഗെയിമിങ് സേവനത്തില്‍ മൈക്രോസോഫ്റ്റ് പുതിയ സമയപരിധികള്‍ ഏര്‍പ്പെടുത്തുന്നുണ്ട്. ഗെയിം പാസ് അള്‍ട്ടിമേറ്റ് വരിക്കാര്‍ക്ക് പ്രതിമാസം 15 മണിക്കൂറും പ്രീമിയം വരിക്കാര്‍ക്ക് 10 മണിക്കൂറും എസന്‍ഷ്യല്‍ വരിക്കാര്‍ക്ക് അഞ്ച് മണിക്കൂറും മാത്രമായിരിക്കും സ്ട്രീമിങ് സമയം. അതേസമയം, ഗെയിം പാസ് സബ്‌സ്‌ക്രിപ്ഷനില്ലാതെയും പണം നല്‍കി ക്ലൗഡ് ഗെയിമിങ് ഉപയോഗിക്കാനുള്ള സംവിധാനം മൈക്രോസോഫ്റ്റ് അടുത്ത മാസം മുതല്‍ അവതരിപ്പിക്കും. നിശ്ചിത മണിക്കൂറുകള്‍ അടങ്ങിയ പാക്കേജുകള്‍ വാങ്ങി ഗെയിമുകള്‍ കളിക്കാവുന്ന ഈ രീതിയാണിത്.
