അയോധ്യ രാമക്ഷേത്രത്തിൽ പതിനൊന്ന് കോടിയലധികം രൂപ സംഭാവനയായി ലഭിച്ചെന്ന് കണക്കുകൾ

അയോധ്യ രാമക്ഷേത്രത്തിൽ പ്രാണ പ്രതിഷ്ഠ കഴിഞ്ഞ് 10 ദിവസം പിന്നിടുമ്പോൾ പതിനൊന്ന് കോടിയലധികം രൂപ സംഭാവനയായി ലഭിച്ചെന്ന് ക്ഷേത്ര ട്രസ്റ്റിന്റെ ഓഫീസ് ഇന്‍ ചാര്‍ജ് പ്രകാശ് ഗുപ്ത. ഭണ്ഡാരത്തിൽ ഭക്തർ നേരിട്ട് നിക്ഷേപിച്ചത് എട്ട് കോടി രൂപയാണ്. ചെക്കും ഓണ്‍ലൈന്‍ അടക്കമുള്ള മാര്‍ഗങ്ങളിലൂടെ മൂന്നര കോടി രൂപ ലഭിച്ചു. 25 ലക്ഷത്തിലേറെ ഭക്തര്‍ ഇതിനോടകം സന്ദര്‍ശനം നടത്തിയതായും കണക്കുകൾ വ്യക്തമാക്കുന്നു. രണ്ട് ലക്ഷത്തിലേറെ ഭക്തർ ദിവസവും ഇവിടെ എത്താറുണ്ടെന്നും, അവധി ദിവസങ്ങളിൽ ഭക്തരുടെ എണ്ണം വർധിക്കാറുണ്ടെന്നും പ്രകാശ് ഗുപ്ത വ്യക്തമാക്കി.