IMA യുടെ നേതൃത്വത്തിൽ സംസ്ഥാനത്ത് ഡോക്ട്ടർമാർ ഈ മാസം 17 ന് പണിമുടക്കും. അത്യാഹിത വിഭാഗം, എമർജൻസി, ലേബർ വിഭാഗങ്ങളെ സമരത്തിൽ നിന്ന് ഒഴിവാക്കും. ഫാത്തിമ ആശുപത്രിയിൽ ഡോക്ട്ടറെ മർദ്ദിച്ച എല്ലാവരെയും അറസ്റ്റ് ചെയ്യണമെന്നാവശ്യപ്പെട്ടാണ് പ്രതിഷേധം സംഘടിപ്പിച്ചിരിക്കുന്നത്.
കോഴിക്കോട് ആശുപത്രിയിലെ ഡോക്ടറെ മർദിച്ചതിൽ പ്രതിഷേധിച്ച് ഈ മാസം ആറിന് ജില്ലയിലെ ഡോക്ടർമാർ സമരം നടത്തിയിരുന്നു. ആരോഗ്യ പ്രവർത്തകരുടെ സുരക്ഷ ഉറപ്പു വരുത്തുന്ന നിയമഭേദഗതി ഉടൻ കൊണ്ടു വരാൻ സർക്കാർ തയ്യാറാകണമെന്ന് ഐഎംഎ ആവശ്യപ്പെട്ടിരുന്നു.