നടന് ഹരീഷ് പേരടി ആദ്യമായി നിര്മ്മിക്കുന്ന ചിത്രമാണ് ‘ദാസേട്ടന്റെ സൈക്കിള്’. ഐസ് ഒരതി എന്ന ചിത്രത്തിലൂടെ പ്രേക്ഷകശ്രദ്ധ നേടിയ സംവിധായകന് അഖില് കാവുങ്ങലാണ് ചിത്രം തിരക്കഥയെഴുതി സംവിധാനം ചെയ്യുന്നത്. ആദ്യമായി നിര്മ്മിക്കുന്ന ചിത്രത്തില് കേന്ദ്ര കഥാപാത്രത്തെ അവതരിപ്പിക്കുന്നതും ഹരീഷ് പേരടിയാണ്. കാതല് സുധി, വൈദി പേരടി, അഞ്ജന അപ്പുക്കുട്ടന്, കബനി, എല്സി സുകുമാരന്, രത്നാകരന് എന്നിവരാണ് മറ്റു താരങ്ങള്. ചിത്രം മാര്ച്ച് 14 ന് തിയറ്ററുകളില് എത്തും. ഹരീഷ് പേരടി പ്രൊഡക്ഷന്സിന്റെ ബാനറില് ഹരീഷ് പേരടി, ബിന്ദു ഹരീഷ്, സുദീപ് പച്ചാട്ട് എന്നിവര് ചേര്ന്നാണ് ചിത്രത്തിന്റെ നിര്മ്മാണം. തോമസ് ഹാന്സ് ബെന്നിന്റെ വരികള്ക്ക് എ സി ഗിരീശനാണ് സംഗീതം പകരുന്നത്.
