ജര്‍മ്മന്‍ കമ്പനിയായ ബിഎംഡബ്ല്യു തങ്ങളുടെ പുതിയ എക്‌സ്എം ലേബല്‍ കാര്‍ പുറത്തിറക്കി. വളരെ ശക്തമായ എഞ്ചിനാണ് ഈ കാറില്‍ സജ്ജീകരിച്ചിരിക്കുന്നത്. കമ്പ്‌ലീറ്റ് ബില്‍റ്റ് യൂണിറ്റായി കമ്പനി ഈ മോഡല്‍ വിപണിയില്‍ ലഭ്യമാക്കും. ആഗോളതലത്തില്‍ 500 ബിഎംഡബ്ല്യു എക്‌സ്എം ലേബലുകള്‍ മാത്രമേ നിര്‍മ്മിക്കപ്പെട്ടിട്ടുള്ളൂ. ഇന്ത്യയില്‍ അതിന്റെ എക്സ്-ഷോറൂം വില 3.15 കോടി രൂപയാണ്. ബിഎംഡബ്ല്യു എക്‌സ്എം ലേബലില്‍ 4.4 ലിറ്റര്‍, ട്വിന്‍-ടര്‍ബോചാര്‍ജ്ഡ്, വി8 എഞ്ചിനാണ്. ഈ ആഡംബര കാര്‍ 748 ബിഎച്പി കരുത്തും 1,000 എന്‍എം ടോര്‍ക്കും ഉത്പാദിപ്പിക്കുന്നു. എന്നാല്‍ സാധാരണ എക്‌സ്എല്‍ 653ബിഎച്പി കരുത്തും 800എന്‍എം ടോര്‍ക്കും മാത്രമേ നല്‍കുന്നുള്ളൂ. വെറും 3.7 സെക്കന്‍ഡിനുള്ളില്‍ എക്‌സ്എം ലേബലിന് 100 കിലോമീറ്റര്‍ വേഗത കൈവരിക്കാനാകും. മണിക്കൂറില്‍ 250 കിലോമീറ്ററാണ് ഇതിന്റെ ഉയര്‍ന്ന വേഗത.
