അഹമ്മദാബാദ് ആസ്ഥാനമായുള്ള സ്റ്റാര്‍ട്ടപ്പായ മാറ്റര്‍ എനര്‍ജി അതിന്റെ ആദ്യ ഇലക്ട്രിക് ബൈക്ക് അവതരിപ്പിച്ചു. പുതിയ മാറ്റര്‍ ഇലക്ട്രിക് ബൈക്കില്‍ നാല് സ്പീഡ് ഗിയര്‍ബോക്സ്, എബിഎസ് തുടങ്ങിയ സെഗ്മെന്റിലെ ആദ്യ ഫീച്ചറുകളാണുള്ളത്. 150 കിലോമീറ്റര്‍ വരെ റേഞ്ച് വാഗ്ദാനം ചെയ്യുമെന്ന് അവകാശപ്പെടുന്ന ഈ പുതിയ ഇലക്ട്രിക് മോട്ടോര്‍സൈക്കിള്‍ ടോര്‍ക്ക് ക്രാറ്റോസ് ആര്‍, ഒബെന്‍ റോര്‍ എന്നിവയ്ക്കെതിരെ മത്സരിക്കും.പുതിയ ഇലക്ട്രിക് ബൈക്കിനായുള്ള ബുക്കിംഗ് 2023 ന്റെ ആദ്യ പാദത്തില്‍ ആരംഭിക്കും. ഡെലിവറികള്‍ 2023 ഏപ്രില്‍ മുതല്‍ ആരംഭിക്കും. 2023 ഓട്ടോ എക്സ്പോയില്‍ ലോഞ്ച് ചെയ്യാനിരിക്കുന്ന പുതിയ മോട്ടോര്‍സൈക്കിള്‍ മൂന്ന് വേരിയന്റുകളില്‍ ഓഫര്‍ ചെയ്യും. ഗ്രേ & നിയോണ്‍, ബ്ലൂ & ഗോള്‍ഡ്, ബ്ലാക്ക് & ഗോള്‍ഡ്, എന്നിങ്ങനെ 4 ഡ്യുവല്‍-ടോണ്‍ നിറങ്ങളില്‍ മോട്ടോര്‍സൈക്കിള്‍ ലഭിക്കും.