കൊല്ലം – റെയില്‍വേ ചെങ്കോട്ട- പുനലൂര്‍ പാതയിലൂടെ ശബരിമല സ്‌പെഷല്‍ ട്രെയിന്‍ പ്രഖ്യാപിച്ചു. ശബരിമല സ്‌പെഷല്‍ (06067) കൊല്ലം, ചെങ്കോട്ട വഴി എറണാകുളം-ചെന്നൈ താംബരം നാളെ മുതല്‍ 2023 ജനുവരി 2 വരെ സര്‍വീസ് നടത്തും. എറണാകുളത്തുനിന്നു തിങ്കളാഴ്ച ഉച്ചയ്ക്ക് 1.10ന് പുറപ്പെടുന്ന ട്രെയിന്‍ ചൊവ്വാഴ്ച ഉച്ചക്ക് 12ന് താംബരത്ത് എത്തും. കൊല്ലം-ചെങ്കോട്ട പാതയിലൂടെ കേരളത്തിനു ലഭിക്കുന്ന ആദ്യ ശബരിമല സ്‌പെഷല്‍ ട്രെയിനാണിത്.
മടക്ക ട്രെയിന്‍ (06068) ചൊവ്വാഴ്ച ഉച്ചതിരിഞ്ഞ് 3.40ന് താംബരത്തു നിന്നു പുറപ്പെട്ട് ബുധനാഴ്ച ഉച്ചയ്ക്ക് 12ന് എറണാകുളത്ത് എത്തും
ട്രെയിനിന്റെ സ്റ്റോപ്പുകൾ
കോട്ടയം, ചങ്ങനാശേരി, തിരുവല്ല, ചെങ്ങന്നൂര്‍, മാവേലിക്കര, കായംകുളം, കരുനാഗപ്പള്ളി, ശാസ്താംകോട്ട, കൊല്ലം, കുണ്ടറ, കൊട്ടാരക്കര, ആവണീശ്വരം, പുനലൂര്‍, തെന്മല.
തമിഴ്‌നാട്ടിലെ പ്രധാന സ്റ്റോപ്പുകള്‍ :
ചെങ്കോട്ട, രാജപാളയം, ശിവകാശി, മധുര, ഡിണ്ടിഗല്‍,തിരുച്ചിറപ്പള്ളി, തഞ്ചാവൂര്‍, കുംഭകോണം, ചിദംബരം, വില്ലുപുരം.
ചെന്നൈയില്‍നിന്നുള്ള ട്രെയിന്‍ ബുധനാഴ്ചകളില്‍ രാവിലെ 6.50ന് പുനലൂരിലെത്തും. തീര്‍ഥാടകര്‍ക്ക് പുനലൂരില്‍ നിന്ന് പമ്പയിലേക്ക് കെഎസ്ആര്‍ടിസി ബസ് സൗകര്യം ലഭിക്കും.