സുസുക്കി തങ്ങളുടെ ജിക്സര് നിര പുതുക്കി വിപണിയിലിറക്കി. എന്ജിനിലോ മറ്റ് സാങ്കേതിക സൗകര്യങ്ങളിലോ മാറ്റങ്ങളില്ലാതെ പൂര്ണമായും വിഷ്വല് അപ്ഡേറ്റുകളോടെയാണ് പുതിയ ബൈക്കുകള് വിപണിയില് എത്തിയത്. ജിക്സര്, ജിക്സര് എസ്എഫ്, ജിക്സര് 250, ജിക്സര് എസ്എഫ് 250, ജിക്സര് എസ്എഫ് 250 ഫ്ലെക്സ് ഫ്യുവല് മോഡലുകളിലാണ് കമ്പനി മാറ്റങ്ങള് വരുത്തിയത്. പുതിയ കളര് കോമ്പിനേഷനുകള് ഇവയ്ക്ക് കൂടുതല് സ്പോര്ട്ടി ലുക്ക് നല്കുന്നു. 155 സിസി എന്ജിന് 13 ബിഎച്ച്പി കരുത്തും 13.8 എന്എം ടോര്ക്കും ഉല്പ്പാദിപ്പിക്കുമ്പോള് 250 സിസി എന്ജിന് 26 ബിഎച്ച്പി കരുത്തും 22.2 എന്എം ടോര്ക്കുമാണ് നല്കുന്നത്. ജിക്സറിന് 1,37,221 രൂപയാണ് എക്സ് ഷോറൂം വില. ജിക്സര് എസ്എഫ് 1,40,729 രൂപ, ജിക്സര് 250 1,84,517, ജിക്സര് എസ്എഫ് 250 1,92,768 രൂപ, ജിക്സര് എസ്എഫ് 250 ഫ്ലെക്സ് ഫ്യുവല് 1,98,476 രൂപ എന്നിങ്ങനെയാണ് മറ്റു മോഡലുകളുടെ എക്സ് ഷോറൂം വില.
