യൂണിപാര്‍ട്സ് ഇന്ത്യ ലിമിറ്റഡിന്റെ പ്രാരംഭ ഓഹരിവില്പന (ഐ.പി.ഒ) നവംബര്‍ 30 മുതല്‍ ഡിസംബര്‍ രണ്ടുവരെ നടക്കും. പ്രമോട്ടര്‍മാരും നിലവിലെ ഓഹരി ഉടമകളും ഓഫര്‍ ഫോര്‍ സെയിലിലൂടെ 1.44 കോടി ഓഹരികളാണ് വിറ്റൊഴിക്കുന്നത്. 10 രൂപ മുഖവിലയുള്ള ഓഹരിയൊന്നിന് 548-577 രൂപയാണ് പ്രൈസ്ബാന്‍ഡ്. കുറഞ്ഞത് 25 ഓഹരികള്‍ക്കും തുടര്‍ന്ന് അതിന്റെ ഗുണിതങ്ങള്‍ക്കും അപേക്ഷിക്കാം. 50 ശതമാനം ഓഹരികള്‍ യോഗ്യരായ നിക്ഷേപകസ്ഥാപനങ്ങള്‍ക്കും 15 ശതമാനം സ്ഥാപനേതര നിക്ഷേപകര്‍ക്കും മാറ്റിവച്ചിട്ടുണ്ട്. റീട്ടെയില്‍ നിക്ഷേപകര്‍ക്കുള്ളതാണ് 35 ശതമാനം. ഓഹരികള്‍ എന്‍.എസ്.ഇയിലും ബി.എസ്.ഇയിലും ലിസ്റ്റ് ചെയ്യും.