മുന്‍ ഇന്ത്യന്‍ ക്രിക്കറ്റ് ടീം ക്യാപ്റ്റനും അഞ്ചാംതവണയും ഐപിഎല്‍ നേടിയ ചെന്നൈ സൂപ്പര്‍ കിംഗ്‌സ് ക്യാപ്റ്റനുമായ ധോണി നിര്‍മ്മിക്കുന്ന ആദ്യ ചലച്ചിത്രത്തിന്റെ താരങ്ങള്‍ ഉള്‍പ്പെടുന്ന സെക്കന്റ്‌ലുക്ക് പോസ്റ്റര്‍ ഇറങ്ങി. തമിഴിലാണ് ധോണി ആദ്യത്തെ ചിത്രം നിര്‍മ്മിക്കുന്നത്. ഹരീഷ് കല്ല്യാണും, ഇവാനയും നായിക നായകന്മാരാകുന്ന ചിത്രം സംവിധാനം ചെയ്യുന്നത് രമേഷ് തമിഴ്മണിയാണ്. ‘ലെറ്റ്‌സ് ഗെറ്റ് മാരീയിഡ്’ (എല്‍ജിഎം) എന്നാണ് ചിത്രത്തിന്റെ പേര്. 2018 ല്‍ ഇറങ്ങിയ പ്യാര്‍ പ്രേമ കാതല്‍ എന്ന ചിത്രത്തിലൂടെ ശ്രദ്ധേയനായ നടനാണ് ഹരീഷ് കല്ല്യാണ്‍. കഴിഞ്ഞ വര്‍ഷത്തെ തമിഴിലെ സെന്‍സെഷന്‍ ഹിറ്റായ ലൌ ടുഡേയിലെ നായികയാണ് ഇവാന. ലെറ്റ്‌സ് ഗെറ്റ് മാരീയിഡ് (എല്‍ജിഎം) ഒരു ഫാമിലി ലൌ സ്റ്റോറിയാണ് എന്നാണ് വിവരം. നാദിയ മൊയ്തു ചിത്രത്തില്‍ ഒരു പ്രധാന വേഷം ചെയ്യുന്നുണ്ട്. സംവിധായകന്‍ രമേഷ് തമിള്‍മണിയുടെ ആദ്യ ചിത്രമണിത്. നേരത്തെ ചിത്രത്തിന്റെ പ്രധാന താരങ്ങള്‍ ഐപിഎല്‍ മത്സരത്തില്‍ ധോണിയുടെ ടീം ആയ ചെന്നൈയുടെ ജേഴ്‌സി അണിഞ്ഞ് ചെക്‌പോക് സ്റ്റേഡിയത്തിലെ ധോണി ടീമിനെ പ്രോത്സാഹിപ്പിക്കാന്‍ എത്തിയിരുന്നു.