പ്രിയങ്ക ചോപ്ര, അക്ഷയ് കുമാര്‍, കരീന കപൂര്‍ എന്നിവര്‍ അഭിനയിച്ച എയ്ത്രാസ് ബുധനാഴ്ച റിലീസ് ചെയ്തതിന്റെ 20 വര്‍ഷം പൂര്‍ത്തിയാക്കിയിരുന്നു. ഈ അവസരത്തില്‍ ചലച്ചിത്ര നിര്‍മ്മാതാവ് സുഭാഷ് ഘായ് ചിത്രത്തിന്റെ തുടര്‍ച്ച ‘ഐത്രാസ് 2’ പ്രഖ്യാപിച്ചിരിക്കുകയാണ്. ആദ്യം പുറത്തിറങ്ങിയ എയ്ത്രാസ് അബ്ബാസ്-മുസ്താന്‍ സംവിധാനം ചെയ്ത ഒരു ബോള്‍ഡ് റൊമാന്റിക് ത്രില്ലറായിരുന്നു. തന്റെ ശക്തയായ സ്ത്രീ ബോസില്‍ നിന്നും ലൈംഗികമായി ഉപദ്രവം നേരിടുന്ന ഒരു പുരുഷനെ ചുറ്റിപ്പറ്റിയുള്ള സിനിമയാണ് ഇത്. 1994-ലെ ഹോളിവുഡ് ചിത്രമായ ഡിസ്‌ക്ലോഷറില്‍ നിന്ന് പ്രചോദനം ഉള്‍ക്കൊണ്ടാണ് എയ്ത്രാസ് നിര്‍മ്മിച്ചത്. എയ്ത്രാസ് വലിയ വാണിജ്യ വിജയം ഇറങ്ങിയ സമയത്ത് നേടിയിരുന്നു. എന്നാല്‍ തുടര്‍ന്ന് അക്ഷയ് കുമാര്‍ പ്രിയങ്ക ചോപ്ര എന്നിവരെ ചേര്‍ത്ത് ഗോസിപ്പും മറ്റും വന്നിരുന്നു. തുടര്‍ന്ന് 2005 ല്‍ ഇറങ്ങിയ വക്ത് ഒഴികെ പ്രിയങ്കയും അക്ഷയും ഒന്നിച്ച് ചിത്രങ്ങള്‍ ഒന്നും ചെയ്തിരുന്നില്ല.