കല്യാണ്‍ ജൂവലേഴ്സിന്റെ വരുമാനത്തില്‍ വര്‍ധന. കമ്പനി പുറത്തുവിട്ട ഏറ്റവും പുതിയ ത്രൈമാസ അപ്‌ഡേറ്റ് പ്രകാരം, മുന്‍വര്‍ഷത്തെ അപേക്ഷിച്ച് നടപ്പ് സാമ്പത്തിക വര്‍ഷത്തിന്റെ രണ്ടാം പാദത്തില്‍ 13 ശതമാനം ആണ് വരുമാനം ഉയര്‍ന്നത്. മിഡില്‍ ഈസ്റ്റ് മേഖലയില്‍ വരുമാനം 24 ശതമാനം ഉയര്‍ന്നു. 2022-23 കാലയളവിലെ ആദ്യ ഒമ്പത് മാസം കൊണ്ട് കല്യാണിന്റെ വരുമാനം 35 ശതമാനം ആണ് ഉയര്‍ന്നത്. ഫെസ്റ്റിവെല്‍ സീസണില്‍ ഉണ്ടായ ഡിമാന്റ് നേട്ടമായി. ഒക്ടോബര്‍-ഡിസംബര്‍ കാലയളവില്‍ 5 പുതിയ ഷോറൂമുകളാണ് ദക്ഷിണേന്ത്യയ്ക്ക് പുറത്ത് കല്യാണ്‍ തുറന്നത്. ഈ സാമ്പത്തിക വര്‍ഷം 11 പുതിയ ഷോറൂമുകള്‍ കൂടി കല്യാണ്‍ ആരംഭിക്കും. 2023ല്‍ 52 ഷോറൂമുകളാണ് ലക്ഷ്യമിടുന്നത്. അടുത്ത സാമ്പത്തി വര്‍ഷം ഫ്രാഞ്ചെയ്സി രീതിയില്‍ ഷോറൂമുകള്‍ തുറക്കാന്‍ 25 പാര്‍ട്ട്ണേഴ്സുമായി ധാരണയിലെത്തിയിട്ടുണ്ടെന്നും കല്യാണ്‍ അറിയിച്ചു. അതേ സമയം കല്യാണിന്റെ ഓണ്‍ലൈന്‍ ബിസിനസില്‍ 5 ശതമാനത്തിന്റെ ഇടിവാണ് ഉണ്ടായത്.