ഒന്നര വര്‍ഷത്തോളം നിശബ്ദത പാലിച്ച റോക്കിംഗ് സ്റ്റാര്‍ യാഷ് തന്റെ അടുത്ത ചിത്രമായ ‘ടോക്സിക് – എ ഫെയറി ടെയില്‍ ഫോര്‍ ഗ്രൗണ്‍-അപ്സ്’ പ്രഖ്യാപിച്ചു. എക്കാലത്തെയും രസകരമായ ഒരു സഹകരണം പ്രതീക്ഷിക്കപ്പെടുന്ന ഈ ചിത്രം, രാജ്യാന്തര തലത്തില്‍ പ്രശസ്തയായ സംവിധായിക ഗീതു മോഹന്‍ദാസിനെയും രാജ്യത്തെ ഏറ്റവും പ്രിയപ്പെട്ട സൂപ്പര്‍ താരങ്ങളിലൊരാളായ റോക്കിംഗ് സ്റ്റാര്‍ യാഷിനെയും ഒരുമിച്ച് കൊണ്ടുവരുന്നു. തങ്ങള്‍ നിര്‍മ്മിക്കാന്‍ ആഗ്രഹിച്ച സിനിമയെക്കുറിച്ചുള്ള പൂര്‍ണ്ണമായ വ്യക്തത, ക്ഷമ, അഭിനിവേശം എന്നിവയോടെ, ഇരുവരും സിനിമ രൂപപ്പെടുത്തുന്നതിനും അതിനായി ഒരു മികച്ച ടീമിനെ ഒരുക്കുന്നതിനും സമയം കണ്ടെത്തി. ടോക്സിക് – എ ഫെയറി ടെയില്‍ ഫോര്‍ ഗ്രൗണ്‍-അപ്സ് എന്ന തലക്കെട്ട് വെളിപ്പെടുത്തുന്ന വീഡിയോ, പ്രേക്ഷകരെ ലഹരിപിടിപ്പിക്കുമെന്ന വാഗ്ദാനവും റിലീസ് തീയതിയും നല്‍കി പ്രേക്ഷകര്‍ക്ക് ഒരു വലിയ സര്‍പ്രൈസ് നല്‍കുന്നു. ഗീതു മോഹന്‍ദാസ് രചനയും സംവിധാനവും നിര്‍വ്വഹിക്കുന്ന റോക്കിംഗ് സ്റ്റാര്‍ യാഷിന്റെ ടോക്സിക് – എ ഫെയറി ടെയില്‍ ഫോര്‍ ഗ്രൗണ്‍ അപ്സ്, കെവിഎന്‍ പ്രൊഡക്ഷന്‍സും മോണ്‍സ്റ്റര്‍ മൈന്‍ഡ് ക്രിയേഷന്‍സും ചേര്‍ന്നാണ് നിര്‍മ്മിക്കുന്നത്. ചിത്രം 2025 ഏപ്രില്‍ 10 ന് ലോകമെമ്പാടും റിലീസ് ചെയ്യും.