മാരി സെല്‍വരാജ് സംവിധാനത്തില്‍ ഒരുങ്ങുന്ന ധ്രുവ് വിക്രം ചിത്രം ‘ബൈസണ്‍’ല്‍ അനുപമ പരമേശ്വരനാണ് നായികയായി എത്തുന്നു. 2022ല്‍ ആയിരുന്നു സിനിമ പ്രഖ്യാപിച്ചതെങ്കിലും കുറച്ച് മാസങ്ങള്‍ക്ക് മുമ്പായിരുന്നു ചിത്രീകരണം ആരംഭിച്ചത്. കഴിഞ്ഞ ദിവസമാണ് ചിത്രത്തിന് പേരിട്ടത്. ചിത്രത്തില്‍ അനുപമ പരമേശ്വരനെ കൂടാതെ മലയാളത്തില്‍ നിന്ന് രജിഷ വിജയനും ലാലും പ്രധാന വേഷത്തില്‍ എത്തുന്നു. ധ്രുവ് അര്‍ജുന അവാര്‍ഡ് ജേതാവായ കബഡി താരം മനതി ഗണേശനായിട്ടായിരിക്കും മാരി സെല്‍വരാജിന്റെ ചിത്രത്തില്‍ അഭിനയിക്കുക. കായികതാരമെന്ന നിലയിലുള്ള തന്റെ റോളിന് ആവശ്യമായുള്ള ശരീരഘടനയില്‍ എത്തുവാനായി നടന്‍ നീണ്ടകാലത്തെ പരിശീലനത്തില്‍ ആയിരുന്നു. ‘അവന്‍ കാളയുമായി ഒരു കന്നുകാലിയെപ്പോലെ നടക്കുന്നു. അവന്‍ ഒരു കാളയുമായി ഇരുണ്ട മേഘം പോലെ വരുന്നു,’ എന്നാണ് ചിത്രത്തിന്റെ ടൈറ്റില്‍ പോസ്റ്റര്‍ പങ്കുവെച്ചുകൊണ്ട് മാരി സെല്‍വരാജ് കുറിച്ചത്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan