ഗ്രാമി പുരസ്‌കാര ജേതാവ് കൂടിയായ പ്രശസ്ത ബ്രിട്ടീഷ് ഗായിക അഡേല പ്രൗഡഗംഭീരമായ സദസിനു മുന്നിലെ വേദിയില്‍ ‘വെന്‍ വീ വേര്‍ യംഗ്’ എന്ന ഗാനം ആലപിക്കുകയായിരുന്നു. പാടുന്നതിനിടയില്‍ അഡേല സദസിനു നടുവിലായി ഒരു പരിചിത മുഖം കണ്ടു. സൂക്ഷിച്ചു നോക്കി. പെട്ടെന്ന് അവള്‍ പാട്ടു നിര്‍ത്തി. ‘എന്റെ ദൈവമേ… ഗയ്സ്, ഇതാണ് എന്റെ കുഞ്ഞിനു ജന്മം നല്‍കാന്‍ സഹായിച്ച ഡോക്ടര്‍’ എന്നു വിളിച്ചുപറഞ്ഞ് സ്റ്റേജില്‍നിന്ന് ഇറങ്ങി. സദസിലേക്കു നടന്ന് ഡോക്ടര്‍ക്കരികില്‍ എത്തി. ഡോക്ടറെ ആംലിഗനം ചെയ്തു. ഡോക്ടറും ഏറെ വികാരഭരിതനായി അഡെലെയെ ആശ്ളേഷിച്ചുകൊണ്ടു പുറത്തു തട്ടി. നിഷ്‌കളങ്കവും വികാരനിര്‍ഭരവുമായ ഈ രംഗം അനേകം പേരാണു വീഡിയോയില്‍ പകര്‍ത്തിയത്. എല്ലാവരും കരഘോഷം മുഴക്കി പ്രോല്‍സാഹിപ്പിക്കുകയും ചെയ്തു. അഡേലഡെയ്ലിനെറ്റ എന്ന അഡോലയുടെ ഫാന്‍ അക്കൗണ്ടിലൂടെ ഈ വീഡിയോ സാമൂഹ്യ മാധ്യമങ്ങളില്‍ തരംഗമായിരിക്കുകയാണ്.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan