പതിനെട്ടാം വയസില്‍ ബാര്‍ നടത്തിപ്പുകാരിയായ ഒരു പെണ്‍കുട്ടി. റിയാന ഗെരാഗ്റ്റി യുകെയിലെ മാത്രമല്ല, ലോകത്തെത്തന്നെ ഏറ്റവും പ്രായം കുറഞ്ഞ പബ് നടത്തിപ്പുകാരിയാണ്. പതിനാറാം വയസിലാണ് റിയാന ആദ്യ ജോലി ആരംഭിച്ചത്. ഒരു വിന്റേജ് ഭക്ഷണശാലയില്‍ പാര്‍ടൈം വെയ്ട്രസായാണ് ആദ്യ ജോലി. കേംബ്രിഡ്ജ് റീജിയണല്‍ കോളജില്‍ ബ്യൂട്ടി തെറാപ്പിക്കു പഠിക്കുന്നുമുണ്ട്. അതിനിടയിലാണ് പബ് കൈയിലെത്തിയത്. റിയാന ജോലി ചെയ്തിരുന്ന വിന്റേജ് ഭക്ഷണശാലയുടെ ഉടമ ക്രിസ് കോളിയറിന്റെ പബ് ബിസിനസാണ് റിയാനയ്ക്കു കൈമാറിയത്. പബ് നടത്താന്‍ ഏറ്റവും മിടുക്കുള്ളയാളെ തെരയുകയായിരുന്ന അദ്ദേഹം റിയാനയ്ക്കു പതിനെട്ടു വയസായപ്പോള്‍ ആ പ്രഖ്യാപനം നടത്തി, പബിന്റെ നടത്തിപ്പു ചുമതല കൈമാറുകയും ചെയ്തു. പുതിയ ഉത്തരവാദിത്വം ഏറ്റെടുക്കാന്‍ ആദ്യം അല്‍പം പരിഭ്രമമുണ്ടായിരുന്നു. എന്നാല്‍ കാര്യങ്ങള്‍ സധൈര്യം മുന്നോട്ടു പോയെന്ന് റിയാന പറയുന്നു. ഇന്ന് റിയാനയ്ക്ക് മദ്യം വിളമ്പാനുള്ള ലൈസന്‍സുണ്ട്. ‘ക്രിസ് ഇപ്പോഴും പബ്ബിന്റെ ഉടമയാണ്, താന്‍ നടത്തിപ്പുകാരി മാത്രമാണ്. ഭാവിയില്‍ പകല്‍ ബ്യൂട്ടി തെറാപ്പിസ്റ്റായും വൈകുന്നേരം പബ്ബിലും ജോലി ചെയ്യാനാണ് പ്ലാന്‍. റിയാന പറഞ്ഞു.
Shaji Padmanabhan
Thirty years of experience in publication field. Started carrier from Gulf Voice monthly malayalam magazine in 1994. Worked in Mangalam (2000), Kerala Kaumudi (2004). Started a publication in 2008, named... More by Shaji Padmanabhan