സാറ്റലൈറ്റ് ഇന്റര്നെറ്റ് സംവിധാനം ഒരുക്കുന്നതിനായി 1600 ഉപഗ്രഹങ്ങള് വിക്ഷേപിക്കാനൊരുങ്ങി റിലയന്സ് ജിയോ. റിലയന്സ് ജിയോ ഉപഗ്രഹങ്ങളുടെ ആദ്യ വിക്ഷേപണം 2027 സെപ്റ്റംബറില് നടക്കും. ആദ്യ ഘട്ടത്തില് സിസ്റ്റങ്ങളും ഹാര്ഡ്വെയറും പരിശോധിക്കുന്നതിനായി ചെറിയൊരു കൂട്ടം ഉപഗ്രഹങ്ങള് റിലയന്സ് ജിയോ വിക്ഷേപിക്കും. തുടര്ന്ന് 2028-ന്റെ രണ്ടാം പാദത്തോടെ 90-100 ഉപഗ്രഹങ്ങള് വിക്ഷേപിക്കും ഇന്ത്യയിലുടനീളം അതിവേഗ ഇന്റര്നെറ്റ് കവറേജാണ് ലക്ഷ്യമിടുന്നത്. 2030 ആകുമ്പോഴേക്കും 400-450 ഉപഗ്രഹങ്ങള് വിക്ഷേപിക്കും. 2035 ആകുമ്പോഴേക്കും 1,600 ഉപഗ്രഹങ്ങള് അടങ്ങിയ ബൃഹത്തായ ശൃംഖല സ്ഥാപിക്കും. ആഗോള കവറേജാണ് ജിയോ ലക്ഷ്യമിടുന്നത്. ശൃംഖല പൂര്ത്തിയാകുന്നതോടെ ഇന്ത്യയ്ക്ക് മുകളില് എപ്പോഴും 30-32 ഉപഗ്രഹങ്ങള് ഉണ്ടാകും. സ്പേസ് എക്സിന്റെ സ്റ്റാര്ലിങ്കിനേയും ആമസോണിനേയും കടത്തിവെട്ടുന്ന വേഗമായിരിക്കും ഇത്.