നിലവാരമില്ലാത്ത ബ്രത്ത് അനലൈസർ കുടുക്കുന്നുവെന്ന പരാതിയുമായി പന്തളം കെഎസ്ആ‌ർടിസി ഡിപ്പോയിലെ ജീവനക്കാർ

പന്തളം കെഎസ്ആ‌ർടിസിയിൽ നിലവാരമില്ലാത്ത ബ്രത്ത് അനലൈസർ ജീവനക്കാരെ കുടുക്കിയെന്നു  പരാതി.  മദ്യപിച്ചോയെന്ന് അറിയാൻ നടത്തിയ പതിവ് പരിശോധനയുടെ ഭാഗമായിട്ടാണ് ജീവനക്കാരെ ഊതിച്ചത് ജീവനക്കാരിൽ പലരും മദ്യപിച്ചെന്നാണ് ബ്രത്ത് അനലൈസറിൽ തെളിഞ്ഞത്. എന്നാൽ തങ്ങൾ മദ്യപിച്ചിട്ടില്ലെന്നും സഹപ്രവർത്തകൻ കൊണ്ടുവന്ന ചക്കപ്പഴം കഴിച്ച ശേഷമാണ് പരിശോധനയ്ക്ക് വിധേയരായതന്നും ജീവനക്കാർ വാദിച്ചു.ഇതോടെ സ്റ്റേഷൻ മാസ്റ്ററും ചക്കപ്പഴം കഴിച്ചശേഷം പരിശോധനയ്ക്ക് വിധേയനായി. അപ്പോൾ ബ്രത്ത് അനലൈസറിൽ മദ്യപിച്ചെന്നാണ് തെളിഞ്ഞത്. ഇതോടെ നിലവാരമില്ലാത്ത ബ്രത്ത് അനലൈസർ പണി തന്നുവെന്ന് ആരോപിച്ച് ജീവനക്കാർ ഒന്നടങ്കം രംഗത്ത് വന്നു.